- Бу ўйинга жуда жиддий ва пухта тайёргарлик кўрдик. Вазиятни ўнглаш учун ютмасак бўлмасди. Кутилмаганда ўз хатомиз сабаб тезкор гол ўтказиб юбордик. Лекин кейинчалик иккита тўп киритиб ғалабани ўз томонимизга оғдира олдик ва бунинг учун футболчиларга раҳмат айтаман. Ғалабани эса Ғузор аҳлига бағишлаймиз. Бизни қўллаб турган мухлисларга ҳам алоҳида раҳмат айтиб қоламиз.

- Ўтказиб юборилган гол ҳақида фикрингиз?

- Футболда ҳамма нарсага тайёр туриш лозим. Биз буни доим йигитларга уқтириб келяпмиз. Биз ҳеч қачон қўлни туширмаймиз ва охиригача курашамиз.

- Иккинчи тайм бошида ҳимояда ўзгариш бўлди. Бу нима билан боғлиқ?

- Рақиб бир ўйинчи кам бўлиб қолгач, фақат ҳужумни ўйладик. Биласиз, Жўрабек Маннонов тезкор футболчи ва ҳужумга жуда яхши қўшилади. Шу боис ҳам уни майдонга туширдик.

- Жавоҳир Ҳасановнинг ўйини ҳақида фикрингиз?

- Биз ҳамма қатори унга ҳам имконият берамиз. Бугун Аброр Тошқўзиевга имкон бергандик, мана ўзини кўрсатиб гол урди. Бошқа футболчиларда ҳам майдонга тушиш учун албатта имконият бўлади.

- Жамоага ҳужумчи керак деб ҳисоблайсизми? Чунки вазиятлар бўляпти, лекин гол уришга жамоа қийналяпти.

- Ҳар матбуот анжуманида бу ҳақда сўз боряпти. Бизда 2006 йил туғилган футболчи ҳужум чизиғимизда ўйнаяпти. Тўғри айтдингиз, тажрибали ҳужумчи керак. Шунингдек, рақобат бўлиши учун қанотларга ҳам кучли ўйинчилар зарур. Таркибимиз қандай кўриниш олишини вақт кўрсатади.

Элдор Мойлиев: "Вазиятни ўнглаш учун ютмасак бўлмасди"