У ҳақида мураббийлар ижобий фикр билдиришади. Ҳусусан жамоа собиқ бош мураббийи Роландо Маран шундай фикр билдирган: "Элдор жамоада яхши ўйин кўрсатмоқда. Кўп ишлайди ва меҳнат қилади. Фойдали футболчи лекин янада такомиллашиб бориши лозим". Унинг ўрнини эгаллаган Давиде Баллардини эса ҳазиллашади. "У кучли ва катта салоҳиятга эга. Шомуродовнинг италян тилини тушунмаслиги ва менинг фикримни билмаслиги яхши".

La Gazzetta dello Sport нашрига берган интервьюсида Элдор учта сўзни билишини тан олди. Бу сўзлар buongiorno, buonasera, arrivederci (хайрли тонг, хайрли кеч ва хайр). "Лекин мослашиш қийин бўлди деб ўйламайман. Жамоадаги дўстларим ёрдам беришди. Мен дастлабки кунларданоқ улар билан яхши муносабатдаман. Генуяга келаётганимда менга қийин бўлишини билардим. Ўзимни исботлаш учун битта усул бор у ҳам бўлса қаттиқ ишлаш. Бунга доимо амал қилишга интиламан. Бирор нарса амалга ошаётган бўлиши мумкин, аммо фаолиятим энди бошланди. Ўзбек Мессиси? Мени нима учун бундай аташларини билмайман",- дейди Элдор Шомуродов.

Элдор Шомуродов италян тилидаги қайси сўзларни ёдлаб олди?