Ушбу қуръадан кейин Осиё кубогида гуруҳ босқичидаги рақиблар аниқ бўлди - Австралия, Сурия ва Ҳиндистон. Ўзбекистон термаси сардори Элдор Шомуродов ўз фикрларини билдириб ўтди.

"Гуруҳдаги рақибларимиз ҳақида гапирадиган бўлсам, илк навбатда Австралия термасини айтиб ўтишим мумкин. Бу терма жаҳон чемпионатида кўп бора иштирок этган ва Осиёнинг энг кучли термаларидан бири. Шунингдек, Сурия термаси Ўзбекистон билан кўп бора ўртоқлик ўйинларида майдонга тушган. Бизга яхши таниш бўлган жамоа. Ҳиндистон термаси ҳақида шундай дейишим мумкин, бу ерда ҳам футбол ривожланиб бормоқда. Шу сабабли уларнинг термаси ҳам ривожланиб бормоқда, деб бемалол айта оламан.
Ўзбекистон термасининг илк вазифаси - максимал очко йиғиб, гуруҳдан чиқиш. Худо хоҳласа, ушбу вазифани бажарамиз, деган умиддаман. Ушбу Осиё кубогида ўтган Осиё кубогидагидан кўра яхшироқ натижа қайд этамиз, деган умиддаман", - деди Шомуродов.

Элдор Шомуродов Осиё кубоги гуруҳ босқичидаги рақиблар ҳақида гапирди