- Терма жамоа ихтиёрига етиб келдингиз. Дастлабки таассуротлар...
- Эрта тонгда Тошкентга етиб келдим. Доим терма жамоага келиш ёқимли. Ўйинларга тайёрмиз.

- Бугунги матбуот анжуманида Сречко Катанец Шомуродов Тошкентга кеч келган бўлса ҳам, барибир асосий таркибда тушади сабаби "Рома"нинг охирги ўйинидан майдонга тушмади. У ҳозир бошқалардан кўра яхшироқ ҳолатда деди. Ростан ҳам шундайми? Ёки йўл чарчоғи борми?
- Йўл чарчоғи деярли йўқ. Сабаби Италиядан учиб келишга ўрганиб қолдим.

- Худди "Чорсу"га бориб келгандек бўлиб қолдими?
- (кулади) Ҳа, шунақа деса ҳам бўлади. Ўзимни яхши ҳис қиляпман. Эртага майдонга тушишга тайёрман.

- Январь ойида "Торино"га ўтишингиз ҳақида хабарлар чиқди...
- Ҳозир клуб ҳақида ҳеч нима дея олмайман. Сабаби терма жамоа сафидаман.

- Қозоғистон ва Россия билан ўйинлардан нима кутяпсиз?
- Кимга қарши ўйнашдан қатъий назар майдонга ғалаба учун тушамиз. Мураббийнинг тактик ишланмаларини ўйинларга татбиқ этишга ҳаракат қиламиз.

- Ўғлингиз Мустафо ҳам катта бўлса футболчи бўлади деб ўйлайсизми?
- Ҳали анча ёш, сал катта бўлса ўзидан сўраймиз. Лекин қизиқиши бор.

Нарзулла суҳбатлашди

Элдор Шомуродов - Қозоғистон, "Торино", "Чорсу" ва ўғли ҳақида