Ҳамюртимиз Элдор Шомуродов тўп тепадиган "Ростов" жамоаси ўз майдонида "Урал"ни қабул қилади. Валерий Карпин бошчилигидаги жамоа халқаро ўйинлар сабаб юзага келган танаффусдан сўнг ана шу учрашувга тайёргарликни бошлади. Кеча ўз терма жамоасига чақирилган ўйинчиларнинг барчаси клуб ихтиёрига қайтиб келган эди. Бугундан эса Карпин ва унинг шогирдлари муҳим баҳсга ҳозирлик кўришни бошлашди.

"Ростов" таркибига бориб қўшилган Элдорнинг кайфияти аъло даражада.

Россия Премьер Лигаси, 21-тур

30.03.2019, 21:00

"Ростов Арена", Ростов-на-Дону

"Ростов" - "Урал"

Бош ҳакам: Василий Казарцев

Премьер Лига 1-давра 7-турида ушбу жамоалар Екатеринбургда ўзаро беллашишган ва 1:1 ҳисоби қайд этилган эди. Ўшанда Элдор 83-дақиқада захирадан майдонга тушган эди.

Шомуродов 30 март куни асосий таркибда тушадими ёки йўқ буни Карпин ҳал қилади.

Элдор Россия чемпионатининг сўнгги турида "Рубин"га қарши баҳс (2:0 "Ростов" фойдасига)да товони билан берган голли паси ва фаол ўйини билан ёдда қолган эди.

Россия чемпионати турнир жадвали >>>>> Премьер Лига

Элдор Шомуродов "Ростов" билан "Урал"га қарши ўйинга тайёргарликни бошлади