Шулардан иккинчи ташаббус – ёшларни жисмоний чиниқтириш, уларнинг спорт соҳасида қобилиятини намоён қилишлари учун зарур шароитлар яратишга йўналтирилган бўлиб, бу борада юртимиз бўйлаб Жисмоний тарбия ва спорт вазирлиги томонидан қатор ишлар амалга оширилмоқда.

Бугун, 3 январь куни Сурхондарё вилоятининг Ангор туманида ҳам ёш спортчи – ўқувчилар билан жаҳон ареналарида юртимиз довруғини дунёга таратаётган машҳур футболчимиз Элдор Шомуродов ўртасида давра суҳбати ташкил этилди.

Тадбирда Ўзбекистон миллий терма жамоаси ва Россиянинг “Ростов” клуби аъзоси Элдор Шомуродов ёш спортчиларга ўзининг мувоффақиятлари сири ва бугунгача босиб ўтган йўли ҳақида сўзлаб берди. Суҳбат якунида у ёш футболчиларга мастер-класс ўтаб берди.

Тадбирда шунингдек, туман Жисмоний тарбия ва спорт бўлими мутасаддилари ва туман прокурори ҳам иштирок этишди.

Жисмоний тарбия ва спорт вазирлиги ташаббуси билан ташкил этилаётган бу каби тадбирлар юртимизда оммавий спортни янада ривожлантириш ва ўсиб келаётган ёш-авлодлар ичидан янгидан-янги чемпионларни етиштириш мақсадида амалга оширилмоқда.

Эслатиб ўтамиз, Элдор Шомуродов якунланган йилда Ўзбекистонда “Йилнинг энг яхши футболчиси” ва “Халқаро майдонларда ўзбек спортини тарғиб қилгани учун” мукофотларини қўлга киритган эди.

Элдор Шомуродов Сурхондарёда мастер-класс ўтказди