Машҳур инсайдер Фабрицио Романонинг ёзишича, унга "Атланта Юнайтед" клуби жиддий қизиқиб қолган.
Эътиборлиси ушбу клуб уй ўйинларини 2017 йилда 1,6 миллиард доллар эвазига қуриб битказилган "Mercedes Benz Stadium" стадионида ўтказиб келади. Ушбу стадионда 2023 йилда Мексика - Ўзбекистон (3:3) ўртоқлик учрашуви бўлиб ўтган ва бу стадион сунъий майдонга эга.
Ўшанда шифокорлар Шомуродовга Мексикага қарши ўйинда майдонга тушмасликни тавсия қилишган эди ва футболчи эҳтимолий жароҳатни олдини олиб учрашувда иштирок этмаган эди.
Балки барчаси ортда қолгандир, балки энди Элдор сунъий майдонда ҳам майдонга тушиши мумкиндир. Туркманистонга қарши ўйин ҳам сунъий майдонда бўлдику дейишингиз мумкин, лекин мавсум давомида битта ёки иккита ўйинни сунъий майдонда ўтказиш билан барча уй ўйинларни сунъийда ўтказишнинг катта фарқи бор. Нима бўлган тақдирда ҳам агар бу ўтиш ростдан ҳам амалга ошса Элдор Шомуродовга омад тилаймиз.
Изоҳлар