- Биринчи бўлимда катта устунлик биз томонда бўлди. Иккитадан ҳам кўпроқ гол урсак бўларди. Биринчи бўлимни ютиб олганимиздан кейин иккинчи бўлимда ҳимояга кўпроқ эътибор қаратдик. Мураббий ҳам тактикасини бироз ўзгартирди. Шу сабабли иккинчи бўлим бошида уларга бироз ташаббусни бериб қўйдик. Лекин асосийси гол ўтказиб юбормадик.
Вазиятларни голга айлантиришда хатолар бўлди деб ўйлайман. Бу ерда асосийси вазиятлар яратиш. Ўша вазиятларга эга бўлдик. Бу Остон ва Азиз билан бир-биримизни яхши тушуниб ўйнаётганимиздан далолат беради деб ўйлайман.
Прессинг қилишга ҳаракат қилдик. Ҳар хил ўйин бўлади. Биринчи бўлимда прессинг қилишга, ташаббусни қўлимизда ушлашга ҳаракат қилдик. Лекин иккинчи таймда кўпроқ ҳимояга эътибор бердик. Ҳозирги замонавий футболда барчасига тайёр туриш керак деб ўйлайман. Ҳимояда ҳам ҳужумда ҳам бир хил ҳаракат қилиш керак. Чунки баъзи ўйинларда прессинг билан ўйнашга тўғри келади, айримларида прессинг қилишни истасангиз ҳам рақиб кучли бўлса, ҳимояда ўйнаш керак бўлади. Шу сабабли барчасига тайёр туриш керак.
Эрон билан ўйинда, албатта, ҳар доим ғалаба учун ҳаракат қиламиз, - деди Шомуродов.

Элдор Шомуродов: "Замонавий футболда барчасига тайёр туриш керак"