Хўш, самолётда йўқолган ҳужумчи Эмилиано Сала аслида ким эди? Твиттерларни титкилаб, кўплаб маълумотларни топдик ва уларни бир хабарга жойладик.

Аввал бошидан бошлаймиз. Бундан икки кун олдин аргентиналик футболчи Кардиффга борди ва у ерда фотосессиялар уюштирди. Шунингдек, Саланинг рекорд 20 миллион евро эвазига "Кардифф"га ўтгани маълум қилинди.

У эртаси куни собиқ жамоадошлари билан ҳайрлашиш учун Нантга қайтди. У хайрлашгани борасида инстаграмга пост ҳам қўйди.

Кийимларини, умуман олганда, ўзига керакли барча буюмларни олиб, у ушбу самолётга ўтирди.

Полиция баёнотига кўра, "Кардифф" клубига тегишли бўлган бу самолёт бу йил техник кўрикдан ўтмаган экан. У Францияга ҳам айнан ушбу самолётда учиб борган.

Диспетчерлар ушбу иш учун полицияга кўрсатма беришди. Уларнинг айтишича, самолёт учувчиси барқарор алоқада бўлиб турган ва бирданига узилиш рўй берган. Самолёт тахминан шу жойда радардан ғойиб бўлган.

Бу ҳолат бугун тунда, бизнинг вақт билан тунги 12:30лар атрофида содир бўлган. Айни дамда Франция ва Италия полицияси йўқолган самолётни қидиришмоқда. Ҳозирча улар ҳам бу борада расмий баёнот беришдан қочишмоқда.

Ҳозирча футболчининг ўлган ёки тириклиги борасида расмий маълумот берилмаган. Шу боисдан воқеалар ривожини кутамиз. Айтганча, Википедия очиқ энциклопедия бўлиб, ундаги матнларни исталган инсон ўзгартира олиши мумкин.

Эмилиано Сала қандай самолётда қаерда йўқолди? ФОТО