Унда 3:3 ҳисобидаги жанговар дуранг қайд этилди. Учрашувда бразилияликлар таркибида голлардан бирини захирадан тушган Эндрик киритди. 17 ёшли ҳужумчи Бразилия терма жамоаси таркибида дастлабки 2та голини уриш учун бор йўғи 49 дақиқа етарли бўлди ва бу борада рекорд ўрнатди.

Трансфер ҳуқуқи "Реал"га тегишли бўлган "Палмейрас" форварди испанларга қарши 2-бўлим бошида захирадан майдонга тушди ва 50-дақиқада гол урди. Ундан олдинги ўйинда Эндрик захирадан тушиб Англия дарвозасига ғалаба тўпини киритган эди.

Эслатиб ўтамиз, Пеле Бразилия терма жамоасидаги дастлабки 2та голни уриш учун 64 дақиқа керак бўлган, Роналдо (сўйлоқ) эса 529 дақиқада иккита гол урган.

Эндрик Пеле ва Роналдони ортда қолдирди