"Ўзбекистон бугун жуда яхши ўйнади. Мен биринчи ўйинда жамоамни майдонга олиб тушгандим, бу катта мактаб бўлди. Рақиб илк дақиқаларданоқ ажойиб ўйнади. Ўз номимдан терма жамоаингизни чиройли ғалаба билан табриклайман", - деб гап бошлади Хадсон.

- Жамоамиз жуда ёш футболчилардан ташкил топган. Шу боис жисмоний жиҳатда рақибга ютқазиб қўйди. Буни устида ишлаяпмиз, албатта бунга ўртоқлик учрашувлари керак бўлади.

- Олдинда ҳали кўп иш кутиб турибди. Айтиб ўтдим, илк ўйиним эди. Жамоа энди-энди шаклланиб боради.

- Бугунги ўйин камчиликларимизни кўрсатиб бериши керак эди. Шу боис ҳам ўртоқлик ўйинлари керак.

- Бугун Ўзбекистонда барча бирдек яхши ўйнади. Ҳайрон қолдирган жиҳат захирадан майдонга тушган футболчилар ҳам ўйиндан узилиб қолишмади. Янги Зеландия айнан шу нарсанинг йўқлиги туфайли ЖЧ-2014га чиқа олмаганди. Яъни бизда захирадан майдонга тушиб ўйинни кучайтирадиган футболчи йўқ эди.

- Биз ўз ўйинимизни намойиш этишга уриндик, бироқ Ўзбекистон бошиданоқ тезкор ўйин кўрсатиб бунга имкон бермади. Худди Австралияга ўхшаб Осиёга ўтиш борасида гап сўзлар бор эди, аммо бугунги ўйин кўрсатиб бердики агар биз Осиёга ўтганимизда ҳам Ўзбекистон бизга жиддий рақиб бўлишини кўрсатиб қўйди.

Энтони Хадсон: "Ўзбекистонни чиройли ғалаба билан табриклайман"