- "Ал Жайиш" яхши шаклланган жамоа ҳисобланади. Улар айни пайтда бор эътиборларини Осиё чемпионлар лигасига қаратишган. Ўтган ҳафта улар миллий чемпионат доирасидаги учрашувда ўзларининг иккинчи такрибларини тушириб, етакчи футболчиларига биз билан ўйин олдидан дам беришган. Учрашув албатта қийин кечади. Биз ҳар бир ўйинга битта мақсад билан майдонга тушамиз. Фақат ғалаба ва уч очкони қўлга киритиш. Муҳими омад биз томонда бўлса бўлгани. Узоқдан зарба йўллашни кўпайтириш лозим? Имконият туғилса албатта дарвозани "ўққа" тутамиз. Ким ёки қандай гол уриш муҳим эмас, асосийси ғалабани қўлга киритиш. "Насаф" рақиб ким бўлишидан қатъий назар фақат ғалабани кўзлайди. Шу боис Қатардан уч очкони қўлга киритиб ортга қайтишни ўйлаяпмиз. Учрашув мухлислар учун қизиқарли бўлиши аниқ. Ўйлайманки, ўз мухлисларимизни хурсанд этамиз.

Эркин Бойдуллаев: "Ал Жайиш" бор эътиборини ОЧЛга қаратган"