Аргентина термасининг собиқ ҳужумчиси Эрнан Креспо Бирлашган Араб Амирликларининг "Ал Айн" клуби бош мураббийига айланади. Мураббий тез орада бу постни эгаллайди. Бу ҳақда таниқли инсайдер Фабрицио Романо хабар берди.

Креспо яқиндагина истеъфога чиқарилган "Аякс" собиқ бош мураббийи Алфред Схрёдернинг ўрнини эгаллайди.

Эслатиб ўтамиз, "Ал Айн" ОЧЛ баҳсларида "Пахтакор" билан бир гуруҳдан жой олган. Креспо ОЧЛдаги илк учрашувини 28 ноябрь куни "Пахтакор"га қарши ўтказади. Айни дамда БАА жамоаси ОЧЛнинг тўртта ўйинидан кейин 12 очко жамғариб, кейинги босқич масаласини ҳал қилган. Маълумот учун, Эрнан Креспо бундан олдин "Ал Дуҳайл" клуби бош мураббийи эди. Унинг ўрнини эса ПСЖ собиқ мураббийи Кристоф Гальтье эгаллади. Энди Креспо ўз фаолиятини "Ал Айн"да давом эттириш арафасида.

ОЧЛда "Пахтакор" билан бир гуруҳдан ўрин олган "Ал Айн" кутилмаганда бош мураббийини истеъфога чиқарди

Эрнан Креспо тез орада "Ал Айн" бош мураббийига айланади. Мураббий ОЧЛдаги илк учрашувини "Пахтакор"га қарши ўтказади