Негаки Эрон профессионал футбол лигаси клубларга легионерларни яна мамлакатга қайтариш бўйича расмий мурожаат билан чиқди. Коронавирус пандемияси туфайли Эрон чемпионати 11 март куни тўхтаб қолганди.

Лекин ҳозирги пайтга келиб мамлакатда аҳвол анча яхши томонга ўзгаргани айтилмоқда ҳамда Эрон президенти Ҳассан Руҳоний Рамазондан сўнг футбол ўйинларига рухсат берилишини айтиб ўтди.

Чемпионат тўхтатилгач кўпчилик легионерлар ўз юртларига қайтиб кетганди. Шу боис клублар эндиликда секин-аста ўз футболчиларини таркибга йиғишлари мумкин.

Лекин бу ерда битта муаммо бор: халқаро учишлар тикланмаган бир пайтда легионерлар қандай етиб келади? Ҳозирги пайтда Эрон футбол федерацияси шу ҳақда бош қотиряпти.

Эрон ПФЛ легионерларни мамлакатга қайтаришни сўраяпти