Аввалги тур ўйинларида мухлислар майдонга тушиб футболчиларни дўппослаб кетгани ҳақида ёзгандик. Навбатдаги тур учрашувида янаям баттар воқеа содир бўлди.

Ушбу турда "Нафт Масжед" клуби ўз майдонида "Сепидруд"ни қабул қилиб, 1:1 ҳисобида дуранг ўйнади. Учрашувда меҳмонлар ҳужумчиси Меҳрдад Байрами гол урганидан сўнг мезбон жамоа мухлислари бунга чидай олмасдан ўз мураббийларини ҳақоратлай бошлашди.

Ишқибозлардан бири эса ҳатто тош билан бош мураббий Фируз Каримининг бошини ёрди. Натижада мураббий бир неча дақиқага ўзини йўқотиб қўйди. Унда мия чайқалиши юз берди. Шифокорлар мураббийга тез ёрдам кўрсатганидан сўнг ўзига келиб ўриндиғига ўтирди. Эрон чемпионати тугашига яна иккита тур қолди. "Нафт Масжед" клуби қолган иккита турда вазиятни ўнглай олмаса биринчи лигага тушиб кетади.

Эронда мураббийга тош отиб бошини ёришди