Владимир Козак февраль ойида Олмалиқнинг АГМК клуби билан йил охирига қадар мўлжалланган шартнома имзолаган эди. У Миржалол Қосимов бошчилигида 3 та ўйин ўтказишга улгурди. Championat.asia'га маълум бўлишича, футболчи бугун "Пахтакор"га қайтди. "Шерлар" матбуот хизмати тез орада бу борада расмий маълумот бериши кутилмоқда.

Маълумот учун, Козак 1993 йил 12 июнь куни Наманган шаҳрида таваллуд топган. Футболчи профессионал фаолиятини 2009 йилдан эътиборан "Пахтакор" жамоасида бошлаган ва 12 мавсум давомида ушбу клуб шарафини ҳимоя қилган. Козак фаолияти давомида Тошкент клуби учун жами 299 ўйин ўтказган ва 24та голга муаллифлик қилган.

Эшитдик-да! Козак "Пахтакор"га қайтди