Пандемия туфайли ёшлар ва ўсмирлар ўртасидаги ЖЧлар ҳам қолдирилиши аниқ бўлиб улгурди. Бу йилги жаҳон чемпионатларида 2001 ва 2004 йилларда туғилган ёшлар ҳамда ўсмирлар кичик мундиалда иштирок этишлари керак эди.

Олган маълумотларимизга кўра, ОФК U-20 ва U-17 мусобақа мезбонларини ўзгартирмоқчи эмас. Яъни, Ўзбекистон ёшлар ўртасидаги Осиё чемпионатига мезбонлик қилади. Мусобақа 2023 йилда бўлиб ўтади. Фақат унда 2001 йилдан кейин туғилган футболчилар эмас, 2003 йилдан кейинги авлод вакиллари қатнашадилар. Баҳрайн ҳам ўсмирлар ўртасидаги қитъа чемпионатини ўзида сақлаб қоляпти. Фақат у ерга энди Олим Шокиров бошқарувидаги футболчиларнинг ўрнига, Сервер Жепаров бошчилигидаги 2006 йил ва ундан кейин туғилган футболчилар қатнашадилар.

Бекор қилинган мундиалларга келсак, ёшлар ўртасидаги ЖЧ Индонезияда, ўсмирлар ўртасидагиси Перуда бўлиб ўтиши керак эди. Ҳозирча кейинги ЖЧларга ҳам мазкур давлатлар мезбонлик қилиш, қилмасликлари тўғрисида расмий ахборот мавжуд эмас.

Эшитдик-да: Ўзбекистон U-20, Баҳрайн U-17 Осиё чемпионатларига мезбонлик қилади