Это'О: "Моуриньо африкаликларга ишонади"

Камерунлик ҳужумчи ўз вақтида "Интер"да португалиялик мураббий қўл остида ишлаган.

"Моуриньо дунёнинг энг яхши мураббийи, чунки у африкалик футболчиларни кучли деб ҳисоблайди. Жозе африкалик футболчиларга шунчалик ишонадики, уларга исталган вақтда имконият беради. Яқинда у дам олиш учун Намибияга ҳам ташриф буюрди", - деди Это'О.

Самуэль Это'О Жозе Моуриньо қўл остида 2009/2010 йилги мавсумда Италия чемпионати, Италия кубоги ва Чемпионлар лигасида ғолиб чиққанди.

Ҳозирда португалиялик мутахассис "Рома"ни бошқармоқда.