Клубнинг маълумот беришича, 23 ёшли футболчи жароҳат олган. "Ирислар"нинг янги футболчилари Уэйн Руни, Майкл Кин ва Дэви Классенлар сафарга йўл олган таркибдан жой олишган.

Росс Баркли ўз шартномасини охиригача ўтаб кетмоқчи, аммо клуб билан келишувни узайтириш ниятида эмас. Жамоа бош мураббийи Рональд Куманнинг фикрича, ярим ҳимоячи янги битим тузмаса, уни сотиш лозим.

Уэйн Руни Танзанияга учадиган таркибга киритилди

Рональд Куман матбуот-анжуманида Барклининг келажаги ҳақидаги саволга жавоб бермади

Клуб Баркли ўрнига Руни ва Классенни харид қилди. "Ирислар" "Суонси" ярим ҳимоячиси Гильфи Сигурдссонни ҳам қўлга киритиш ниятида. "Эвертон" Росс Барклини камида 50 млн. фунтга пулламоқчи.

"Тоттенхэм" ва "Арсенал" вазиятни кузатиб бормоқда, аммо ҳозирча расмий таклиф билан "Эвертон"га мурожаат қилгани йўқ.

Сўнгги мавсум охирини ўтказиб юборган Аарон Леннон Танзанияга учиб кетди

Танзанияга йўл олганлар орасида ҳимоячи Эшли Уильямс ҳам бор

Жамоанинг янги футболчиси Дэви Клаассен ва Морган Шнейдерлен

Айни дамда жамоа бош мураббийи Рональд Куманнинг асосий трансфер мақсади "Суонси" ярим ҳимоячиси Гильфи Сигурдссон. "Эвертон" клуби "Манчестер Юнайтед"га ўтган Ромелу Лукаку ўрнига Оливье Жиру ёки Кристиан Бентекени олиб келиш ниятида.

"Эвертон" Танзанияга жўнаб кетди