Уэльс – Дания 0:4
26 июнь, 19.00, «Йохан Кройфф Арена»
Голлар:
0:1 – 27 Дольберг, 0:2 – 48 Дольберг, 0:3 – 88 Мэле, 0:4 – 90 Брэйтуэйт.
Уэльс – Уорд, Родон, Дэвис, Мифем, Робертс (Уильямс, 41), Моррелл (Уилсон, 60), Аллен, Джеймс (Брукс, 78), Рэмзи, Бэйл, Мур (Робертс, 78).
Дания – Шмейхель, Ларсен (Бойлесен, 77), Кьер (Андерсен, 77), Кристенсен, Мэле, Дилэйни (Йенсен, 60), Хейбьерг, Дамсгор (Нергор, 60), Вестергор, Дольберг (Корнелиус, 70), Брэйтуэйт.
Огоҳлантиришлар:
Родон (26), Мур (40), Брукс (80), Бэйл (90).
Четлатиш:
Уилсон (90).

САҲИФАНИ ЯНГИЛАШ

Учрашув якунланди. Дания кейинги босқичда! Хайр, Гарет. Хайр, Уэльс!

Гол Ҳисобга олинди - 4:0!

Йўқ, офсайд. ВАР тизими ишга тушди. "Барселона" ўйинчисида ўйиндан ташқари ҳолат бормиди?

90+4. Гооооол! Ниҳоят, Мартин Брейтуэйт ҳам рақиб дарвозасини ишоғол қилди.

Учрашувнинг асосий вақтига 5 дақиқа қўшиб берилди.

90. Харри Уилсонга қизил карточка. У асабийлашиб, ўзидан ўтиб кетган рақибнинг оёғига тепган эди. "Алам қилса, бурнингни тишла", дейдиган кимдир йўқми майдонда?

88. Гол! Меле Уэльс жарима майдони ичида истаган ишини қилди ва ўйинга нуқтани қўйди - 3:0.

84. Бэйлнинг асаблари чидамаяпти. У ўзидан ўтиб кетаётган Меленни қўполлик билан тўхтатди.

81. Мартин Брейтуэйтнинг зарбасига аниқлик етишмади.

80. Жарима майдони ичига кириб бораётган Карнелиус йиқитилди. Данияда қулай нуқтадан стандарт вазият.

78. Уэльсда бир йўла 2 ўзгариш. Жеймс ўрнига Брукс, Кеффир Мур ўрнига Тайлер Робертс тушди.

77. Кьер захирага олинди. Йоахим Андерсон майдонга тушди.

75. Дания терма жамоаси сардори Симон Кьернинг мушакларида муаммо пайдо бўлди.

69. Ўзгариш: Каспер алмаштирилди, унинг ўрнига ўйинни Карнелиус давом эттиради.

68. Дания жарима майдони яқинида Бен Дэвис ва Хёйбьерг ўртасида жиддий тўқнаув юзага келди.

66. Уххххх! Йенсеннинг айланма зарбасига озгина аниқлик етишмади.

61. Данияда бир йўла 2 нафа футболчи алмаштирилди: Йенсен Делайни ўрнига, Нергор Дамсгор ўрнига.

60. Ўзгаришлар: Жозеф Моррелл ўрнига Уильсон майдонга тушди.

59. Ухххх! Жеймснинг кучли зарбасини Кристенсен тўсиб қолди.

58. Уэльс сўнгги дақиқалардаги тўп назоратини қўлга олди. Бироқ, жамоага кескин ҳужумлар етишмаяпти.

54. Уэльсда қарши ҳужум. Рэмзининг узатмасига аниқлик етишмади.

53. Уильямс юқоридан узатмани амалга оширди. Бэйлнинг бош билан берган зарбасига аниқлик етишмади.

48. Гоооооол! Дольбергдан дубль! Мартин Брейтуэйт жарима майдони ичига бостириб кириб, узатмани амалга оширди. Ҳимоячилар эса тўпни Касперга туҳфа қилишди - 2:0.

46. Иккинчи бўлимни даниялик футболчилар бошлаб беришди.

Танаффус!

1-таймга 2 дақиқа қўшиб берилди.

45. Меленинг зарбасини Ворд бартараф қилди.

44. Каспер Дольберг Жо Родон билан тўқнашувдан кейин майдонда ётибди...

41. Ҳа, К. Робертс алмаштирилди. Унинг ўрнига "Ливерпуль"нинг 20 ёшли ҳимоячиси Неко Уильямс туширилди.

40. Киффер Мур огоҳлантирилди. У Дания сардори Симон Кьернинг бошига тирсаги билан зарба берган эди.

38. Конор Робертс майдонга йиқилди. У пайларини чўзиб олган шекилли. Уэльс захира ўриндиғидагилар фаоллашиб қолишди.

36. Андрес Кристенсен ҳаводаги курашда Уэльс дарвозабонига нисбатан қоида бузди.

35. Дольберг яна жарима майдони ичида рақибларига муаммо туғдиряпти. Бу гал бурчак зарбаси ишлади.

32. Дамсгор Дольбергни тўп билан таъминлади. Бироқ, марказий ҳужумчи вазиятни якунлай билмади.

30. Хёйбьергнинг жарима майдони ичига оширган тўпини ҳимоячилар қайтариб юборишди.

27. Гооооооол! Каспер Дольберг жарима майдони ташқарисидан кучли зарба билан ҳисобни очди - 0:1.

26. Майдон марказида Даниянинг ҳужумини тўхтатиб қолган Жо Родон огоҳлантирилди.

18. Д. Жеймснинг зарбаси Каспер Шмейхелга қийинчилик туғдирмади.

15. "Барселона" ҳужумчиси Мартин Брейтуэйт ўнг қанотдан жарима майдончаси ичига ёриб кирганди. Уни Бен Дэвис тўхтатиб қолди.

11. Бэйл яна узоқдан ўз омадини синади. Зарба кучли, аммо ноаниқ.

9. Уххх! Гарет Бэйлнинг узоқ масофадан берган зарбасига аниқлик етишмади.

4. Делайнининг Аарон Рэмзига нисбатан ишлатган қўполлигидан кейин Уэльс стандарт вазиятга эга бўлди.

1. Учрашув старт олди!

Евро-2020. Дания 4 та гол урилган ўйинда Бэйл бошчилигидаги Уэльсни мусобақадан чиқариб юборди