ЎзПФЛ бош директори Диёр Имомхўжаев мусобақанинг очилиш ўйинига тўхталиб, кимга мухлислик қилишини айтди:

Туркия — Италия ўйини билан бугун Евро-2020 старт олади. Очилиш учрашуви учун бундан ҳам чиройли қарама-қаршиликни топиш қийин эди.

Тарих ва географияни яхши кўрардим. Бу фанлар Италия ва Туркияни кўп эслатади, Римдан тортиб, Усмонлилар империясига қадар, I жаҳон урушидан тортиб, Византий, Константинополь ва бугун Истанбулга айланган шаҳар билан боғлиқ тарих, Буюк Ипак йўлини Европа билан боғлайдиган йўллар, Қора денгиз ва Ўрта ер денгизи ўртасидаги тарихий ҳаракатлар, хуллас, Италия ва Туркия мана шу силсилалар сабаб ҳам яхши рақибдирлар.

Албатта А серияни турк Суперлигасидан фарқи бор, Италия чемпионати олдинда, доим трендда. Бироқ Туркия чемпионатини кучсиз дея олмаймиз, Бешиктош, Трабзонспор, Галатасарай, Фенербахче каби бир-бирига ўгай ва даҳшатли рақобатчилари бор бу чемпионатнинг. Бугун Италияга осон бўлмайди, бугун турклар том маънода сўнгги нафасларигача кураш олиб боришади.

Учрашув Римда, Рим тимсолларидан бири Олимпикода бўлиб ўтади. 23:50 дан бошлаб УзРепорт жонли эфирга уланади. Ўзбекистоннинг Яманга қарши ўйинини тугатиб, мен Олимпикога уланаман ва бугун Туркия учун мухлислик қиламан.

Роберто Манчини ва Шенол Гюнеш бугунги баҳсда қуйидаги футболчилар хизматидан фойдаланиши кутилмоқда:

Турция: Уғуржан Чақир; Зеки Челик, Мерих Демирал, Чаглар Суюнжу, Умут Мераш; Окай Йокушлу, Озан Туфан, Ҳакан Чалханоглу, Женгиз Ундер; Кенан Караман, Бурак Йилмаз
Италия: Доннарумма; Флоренци, Бонуччи, Кьеллини, Спинаццола; Барелла, Жоржиньо, Локателли; Берарди, Иммобиле, Инсинье

Евро-2020'нинг очилиш ўйинига Д. Имомхўжаевдан превью