Муросасиз кечган баҳсда жамоалар дурангга рози бўлишди – 2:2.

Евро-2024

"B" гуруҳи. 2-тур

Хорватия – Албания 2:2

18.00, «Фолькспаркштадион»

Голлар: Крамарич 74', Гьясула автогол 76' – Лячи 11', Гьясула 90+5'

Бош ҳакам: Франсуа Летексье (Франция)

Ёрдамчи ҳакамлар: Сирил Мугнье, Меҳди Рамуни (иккиси – Франция)

VAR: Вилли Делажо (Франция)

AVAR: Жером Брисар (Франция), Бастиан Данкерт (Германия)

Тўртинчи ҳакам: Сандро Шерер (Швейцария)

Хорватия – Ливакович, Юранович, Сутало, Гвардиол, Перишич (Соса, 84), Модрич, Брозович (Пашалич, 46), Ковачич, Майер (Сучич, 46), Крамарич (Батурина, 84), Петкович (Будимир, 69).

Албания – Стракоша, Хюсай, Жимшити, Айети, Митай, Лячи (Гьясула , 72), Байрами, Рамазони (Хожа, 85), Аслани, Асани (Сефери, 64), Манай (Даку, 85).

Огоҳлантиришлар: Хюсай (76), Даку (90+4), Гьясула 90+8.

Фантастик баҳс якунига етди!

90+8. Яна Гьясула катта саҳнада! У тактик фоль учун огоҳлантирилди.

90+5. ГОООООООЛ! Даҳшат! Автогол муаллифи Гьясула мувозанатни тиклади 2:2! Унинг яқин масофадан берган зарбасини Ливакович қайтара олмади, ҳимоячилар рақибни бўш қолдириб катта хато қилишди.

90+4. Даку қўпололик учун сариқ карточка олди.

90+3. Зарбааа! Мирлинд Дакунинг яқин масофадан берган зарбаст ҳимоячиларга тегиб қайтди. Албания ҳужумда бор кучини бериб ҳаракат қилмоқда.

90. Иккинчи таймга 6 дақиқа қўшиб берилди.

90. Уууух! Доминик Ливаковичдан супер-сэйв! Хожанинг пастки бурчак томон йўллаган зарбасини хорватияликлар посбони қайтарди.

88. Зарбааа! Тиниб-тинчимас Лука Модричнинг кучли зарбаси хавфли, аммо ноанич чиқди.

87. Албания рақиб жарима майдончаси томонда вазият яратишга уринмоқда.

85. Албанияда 2 та ўзгариш: Рамазони ўрнига Хожа, Манай ўрнига Даку майдонга туширилди.

84. Хорватияда 2 та алмаштириш: Перишич ўрнига Соса, Крамарич ўрнига Батурина тушди.

80. Иван Перишичнинг яхши узатмасини ҳимоячилар бартараф қилишди.

76. Хюсай ҳакамга эътироз билдиргани учун огоҳлантирилди.

76. ГООООООООЛ! Сучичнинг зарбасидан сўнг захирадан тушган Гьясула тўпни ўз дарвозасига киритиб қўйди – 2:1!

74. ГОООООООЛ! Будимирнинг қулай пасидан сўнг Крамарич ҳимоячининг оёқлари орасидан зарба йўллаб, дарвозабонни чалғитди ва ҳисобни тенглаштирди – 1:1!

72. Албанияда алмаштириш: Лячи ўрнига Клаус Гьясула ўйинни тугатиб қўяди.

69. Хорватияда ўзгариш: Петкович ўрнига Будимир баҳсни давом эттиради.

67. Зарбааа! Қарши ҳужумга ўтиб кетган Албаниянинг ҳужуми зарба билан якун топди. Байрамининг зарбаси дарвозага аниқ бормади.

65. Ўйин тўхтатилди. Сутало тўп учун курашда Манайдан жабр чекди.

64. Албанияда алмаштириш: Асани ўрнига Сефери ўйинга қўшилди.

63. Аслани дарвозани нишонга олишга уринди, Ливакович ўз ўрнида!

63. Албания ҳимояда "автобус" қўйиб олган, бу кўп ҳолларда яхшиликка олиб келмайди.

61. Зарба! Иван Перишичнинг олисдан берган зарбасидан кейин Стракоша тўпни қийинчиликсиз эгаллаб олди.

57. Айтишларича, учрашувни кўриш учун стадионга 46784 нафар томошабин келган.

55. Яна ҳимоядан ҳужумга пас етиб келди – Асанига, бироқ ҳужумчи ўйиндан ташқари ҳолатда эканлиги қайд этилди.

53. Зарбааа! Ковачичнинг кучли зарбаси рикошет орқали Стракошага қулай тарзда етиб борди.

52. Йошко Гвардиол чап қанотда икки ҳимоячи қуршовида қолди, унга нисбатан бироз қўполлик бўлганди, аммо ҳакам бурчак зарбаси эмас, эркин зарба берди.

50. Зарбааа! Сучичнинг ерлатиб йўллаган зарбасини Стракоша қайтаришга эришди.

50. Узоқдан Рей Манай томон узатма етиб келди, бироқ албаниялик ҳужумчи офсайдда қолган экан.

47. Иван Перишич Асанига нисбатан қоидани бузди.

46. Иккинчи тайм бошланди!

46. Хорватияда 2 та ўзгариш: Брозович ўрнига Пашалич, Майер ўрнига Сучич туширилди.

Биринчи бўлим якунланди. Ҳозира ҳисоб – 0:1. Танаффус!

45+2. Хорватия бўлим сўнгида хавфли ҳужум уюштирганди, бироқ Крамарич бу вазиятда рақибига нисбатан қўполлик ишлатгани маълум бўлди.

45+1. Зарба! Рей Манайнинг зарбасини Хорватия посбони ушлаб олди.

45. Биринчи бўлимга 1 дақиқа қўшиб берилди.

37. Модричнинг узатган тўпини дарвозабон қайтариб юборди. Иккинчи темпда давом этган ҳужум хавфли тус олмади.

36. Крамаричга нисбатан қўполлик ишлатилди. Хорватия рақиб жарима майдончасига яқин жойдан жарима зарбасини амалга оширади.

31. Ууух! Яна бир ҳужум Албаниядан! Кристьян Аслани дарвозабон билан деярли бирга-бир вазиятга чиқиб бориб зарба йўллади, дарвозабон қайтариб юборди!

29. Зарба! Эльсеид Хюсайнинг чап оёқда йўллаган кучли зарбаси ноаниқ чиқди.

25. Иван Перишич ҳужум вақтида рақибга нисбатан фоль ишлатди.

22. Рей Манай Суталога нисбатан қўполлик ишлатди, ҳакам ҳуштагини чалди.

20. Уууух! Хорватиянинг узоқ давом этган ҳужуми Брозовичнинг ноаниқ зарбаси билан якун топди. У тўпни зарба йўналишини кимдир ўзгартиради деган мақсадда тепганди.

19. Иван Перишич ичкарига пас узатди. Яхши узатма, бироқ ҳимоячилар ишончли ҳаракат қилишди.

15. Зарба! Байрами жарима майдончаси ичида қулай позицияга чиқиб борди, аммо унинг зарбаси йўлига ҳимоячилар ғов бўлишди. Албания бурчак зарбасига эга бўлди.

11. ГООООООООЛ! Асанининг ҳаволатиб амалга оширган узатмасидан кейин Лячи бош билан зарба бериб, дарвозабонни ожиз қолдирди – 0:1!

9. Лука Модрич жарима зарбаси орқали тўпни ичкарига оширди, аммо ҳимоячилар тўпни жарима майдончаси ташқарисига чиқариш юбордилар ва Албания қарши ҳужум ташкил қилиб кўрди – Байрами катта тезликда олдинга ўтди, бироқ Юранович тўсиғига учради.

7. Йосип Юрановичнинг ичкарига ошириб берган тўпини ҳимоячилар узоқлаштиришди.

4. Крамарич катта тезликда олдинга ўтиб кетаётган Рамазонини йиқитишга мажбур бўлди, кечиктирилган фоль.

1. Учрашувга старт берилди!

- Учрашув 18:00 да бошланади.

Евро-2024. Албания муросасиз кечган баҳсда Хорватия билан жанговар дуранг қайд этди