Финляндиянинг ХИК клуби Фарер оролларининг "Рунавик" жамоасига қарши биринчи ўйинда меҳмонда – 0:4 ҳисобида мағлуб бўлган бўлса-да, ўз уйида камбэкни амалга оширди – 5:0.

ХИК 15-дақиқаданоқ бир киши кўп ўйнади, аммо иккинчи бўлимга қўшиб берилган тўртинчи дақиқадага келибгина ҳисобни тенглаштирди. Ғалаба тўпи 93-дақиқада, яъни биринчи қўшимча таймнинг учинчи дақиқасида киритилди.

ХИК жавоб ўйинида дарвозаси томон 60 та зарба йўллаб, 20 та бурчак тўпини амалга оширди ва қўшимча бўлимларда барибир бешинчи голини уриб, олдинга ўтиб олди.

120+ дақиқалик статистика:

Зарбалар бўйича – 60:3
Аниқ зарбалар — 15:0
Бурчак зарбалари – 20:2
Тўпга эгалик қилиш – 69% га 31%

ХИКнинг Конференциялар Лигаси иккинчи босқичидаги рақиби Болгариянинг "Арда" жамоаси бўлади – ўйинлар 24 ва 31 июль кунлари бўлиб ўтади.

Илгари КЛда 0:4 дан сўнг бундай ҳол кузатилмаган. Бироқ бошқа еврокубокларда бундай ҳолатлар уч марта рўй берган.

ЕЧЛ-2016/17. 1/8 финал

"Барселона" (Испания) – ПСЖ (Франция)

0:4, 6:1

Умумий ҳисоб – 6:5

УЕФА Кубоги (ҳозирда Европа Лигаси) – 1985/86 йилги мавсумнинг иккинчи саралаш босқичи

КПР (Англия) – "Партизан" (Сербия)

6:2, 0:4

Умумий ҳисоб – 6:6, "Партизан" меҳмондаги гол қоидаси туфайли кейинги босқичга йўл олган.

УЕФА Кубоги – 1985/86 йилги мавсум 1/8 финал босқичи

"Боруссия" Мёнхенгладбах (Германия) – "Реал" (Испания)

5:1, 0:4

Умумий ҳисоб – 5:5, "Реал" меҳмондаги гол қоидаси туфайли кейинги босқичга йўл олган.

Еврокубокда ақлдан оздирадиган камбэк! Финляндия клуби "Барселона" ва "Реал"нинг қаҳрамонлигини такрорлади