Унга кўра, "Атлетико" форварди Альваро Мората ЕЧЛда ҳафтанинг энг яхши футболчиси деб топилди. "Фейеноорд"га қарши ўйинда дубль қайд этган ҳужумчи овоз бериш учун курашда Расмус Хойлунд ("Манчестер Юнайтед"), Жуд Беллингем ("Реал") ва Бруму ("Брага") каби футболчиларни ортда қолдирди.

Европа лигасида эса "Шериф"га қарши ўйинда икки марта рақиб постини ишғол қилган "Славия" футболчиси Моймир Хитил энг яхшиси бўлди. У "Рома" футболчиси Андреа Беллотти, "Вест Хэм" хавбеки Лукас Пакета ва "Аталанта" ҳимоячиси Маттео Ружеридан юқорида бўлди.

Конференциялар лигасида ҳафтанинг энг яхшиси сифатида "Норшелланд" футболчиси Беньямин Нюгрен топилди. У "Лудогорец" дарвозасини икки марта ишғол қилди. Овоз бериш жараёнида у Жошуа Кинг ("Фенербахче"), Венсан Абубакар ("Бешиктош") ва Тариқ Тиссаудалиа ("Гент") каби футболчилардан ўзиб кетди.

Еврокубокларнинг ушбу ҳафтадаги энг яхши футболчилари аниқланди