Терманинг биринчи ва ягона ғалабаси 2004 йилнинг 28 апрелида қайд этилган. Ўшанда сан-мариноликлар сафарда Лихтенштейнни мағлуб этганди. Шундан кейин кичик давлат термаси вакиллари 89 ўйинда қатнашишди. Шуларнинг фақатгина тўрттасида дуранг ўйнашди - Туркия (0:0, ЖЧ-1994 саралишда), Латвия (1:1, ЖЧ-2002 саралашида), Лихтенштейн (2:2, 2003 йилги ўртоқлик ўйинида) ва Эстония (0:0, Евро-2016 саралашида).

Эстонлар билан дуранг 2014 йилнинг 15 ноябрь кунида қайд этилган ва бу сўнгги омадли натижа ҳисобланади. Якшанба куни Франко Варрелла бошчилигидаги терма Беларусга 0:2 ҳисобида мағлуб бўлди. Бу терманинг кетма-кет 89-ғалабасиз ўйини бўлди.

Сан-Марино ўз тарихида 153 ўйин ўтказган. Тўплар нисбати - 23:663га тенг. Терманинг 148 мағлубияти, 4 дуранги ва 1 ғалабаси бор.

Сан-Марино ФИФА рейтингида 211 давлат орасида 209-чиси бўлиб турибди. Уларнинг пасида Багама ҳамда Теркс ва Кайкос давлатлари термаси ўрин олган.

Европаликлар, Сан-Маринони бироз бўлса-да ҳурмат қилинглар!