Алексей Евстафеев бош мураббийлигидаги 1995 ва ундан кейинги йилларда туғилган футболчилардан ташкил топган Ўзбекистон ёшлар терма жамоаси (U-19) 4 сентябрь куни Тошкентда ўзининг навбатдаги ўқув-машғулот йиғинини бошлади. Мазкур йиғин давомида Ўзбекистон U-19 ёшлар терма жамоаси Япония U-19 ёшлар терма жамоасига қарши 5 ҳамда 8 сентябрь кунлари иккита ўртоқлик учрашувини ўтказади.

Евстафеев шогирдларининг Японияга қарши иккала учрашуви ҳам «ЖАР» стадионида ўтказилади. Дастлабки ўйин 5 сентябрь куни 18:00да бошланса, иккинчи учрашувнинг бошланиш вақти 8 сентябрь куни соат 10:00га белгиланган.

Маълумот ўрнида, Ўзбекистон ёшлар терма жамоаси шу йилнинг 4-12 октбярь кунлари 2014 йили Мянмада бўлиб ўтадиган ёшлар ўртасидаги Осиё чемпионати саралаш баҳсларида иштирок этади. Ўзбекистон ёшлари саралаш баҳсларининг «А» гуруҳида Қатар, Туркманистон, Ҳиндистон ва Непал ёшлар терма жамоаларига қарши баҳс олиб борадилар. «А» гуруҳи баҳсларига эса, Қатар мезбонлик қилади.

Дарвозабонлар: Шерзодбек Абдураимов, Хусан Олимжонов, Ботирали Эргашев.
Ҳимоячилар: Эргаш Исмоилов, Фирдавс Абдусалимов, Аббос Отахонов, Виктор Григорьев, Азизбек Мамазоитов, Улуғбек Худойбердиев, Достон Шабанов, Достон Турсунов.
Ярим ҳимоячилар: Нажмиддинов Нормудов, Миржамол Қосимов, Бобур Давлатов, Рамзиддин Тўхтаназаров, Сардор Азимов, Маҳсуд Маҳмудов, Дурбек Камолов, Наримон Ҳасанов.
Ҳужумчилар: Игорь Рогованов, Андрей Сидоров, Элдор Шомуродов, Забиҳилло Ўринбоев.

Евстафеев Японияга қарши ўйинларда 23 нафар футболчини синовдан ўтказади