"Фанат Суперлига"да тўқнаш келадиган жамоаларнинг мухлислари ўз билимлари орқали беллашадилар.

Ҳар бир ўйинда футболга оида 4та савол берилади.

Қоида: Бугундан бошлаб савол берилганидан кейин энг биринчи қайси жамоа мухлиси жавоб берса ўша жамоага 1 балл ёзилади. Агар икки жамоа мухлиси бир сонияда жавоб беришса иккала жамоага балл берилади.

Агар сиз мезбон жамоа мухлиси бўлсангиз жавобингиз олдидан 1 рақамини қўйинг. Бордию меҳмон жамоа мухлиси бўлсангиз 2 рақамини қўйинг ва жавобингизни ёзинг.

"Фанат Суперлига". "Қизилқум" – "Пахтакор"

"Ўйин" соат 17:45да бошланади ва 4та савол шу саҳифада берилади. Жавобларни пастда фикр билдириш бўлимига ёзиш мумкин бўлади.

Агар саволга жавоб 5 дақиқа ичида топилмаса кейинги саволга ўтилади.

1-савол: Голландиянинг "Фейеноорд" клубига трансфер қилинган ҳар бир янги футболчи стадионга қай тарзда ташриф буюради? Жавоб: Янги футболчилар "Фейеноорд"нинг уй стадиони бўлган "Де Куйп"га вертолетда учиб келиб осма зина орқали майдонга тушиб келишади. ( MMMReal "Пахтакор" мухлиси биринчи бўлди)

2-савол: ЕВРО-2004 доирасидаги Брагада ўтган Нидерландия ҳамда Латвия терма жамоалари ўртасидаги ўйин вақтида тўп мана шу нарсага тегиб ёрилиб кетган. Тўп айнан нимага тегиб ёрилганини ёзинг. Жавоб: Тўп қоя (тоғ)га тегиб ёрилиб кетган. Ушбу ўйин бўлиб ўтган Брагадаги стадион шундоққина тоғнинг ёнгинасида жойлашганини кўпчилик билса керак. (Темурбек Валиев "Қизилқум" мухлиси биринчи бўлди)

3-савол: Ўзбекистон миллий терма жамоасининг ФИФА рейтингидаги энг паст ўрни нечанчи ўрин? Жавоб: 119 (JS "Қизилқум" мухлиси биринчи бўлди)

4-савол: 2002 йил Олий лигада бронза медалини қўлга киритган клуб қайси? Жавоб: “Қизилқум” (Икки жамоа мухлиси бир сонияда жавоб беришди)

Ўйин тугади. "Қизилқум" – "Пахтакор" 3:2

"Фанат Суперлига". "Қизилқум" – "Пахтакор" 3:2