Ҳар бир ўйинда 4та савол берилади. Ўша жамоалар тўқнашуви ўртасидаги ўйинлардан келиб чиқиб 2та савол, хориж ва Ўзбекистон терма жамоаларига оид 2та савол бўлади.

Қоида: Савол берилганидан кейин энг биринчи қайси жамоа мухлиси жавоб берса ўша жамоага 1 балл ёзилади. Вилоятларда интернет тезлиги пастлиги ёки ўчиб қолишини инобатга олсак иккинчи жавоб ўртасидаги фарқ 1 дақиқани ташкил қилиши мумкин. Яъни масалан "Андижон" мухлиси 17:45да жавоб берса, "Сурхон" мухлисининг 17:46даги жавоби қабул қилинади.

Агар сиз "Қўқон-1912" мухлиси бўлсангиз жавобингиз олдидан 1 рақамини қўйинг. Бордию "Бунёдкор" мухлиси бўлсангиз 2 рақамини қўйинг ва жавобингизни ёзинг.

"Ўйин" соат 17:00да бошланади ва 4та савол шу саҳифада берилади. Жавобларни пастда фикр билдириш бўлимига ёзиш мумкин бўлади.

1-савол: 2019 йил бу жамоалар ўртасидаги Қўқонда ўтган баҳсда қандай ҳисоб қайд этилган эди? Тўғри жавоб: 3:0. (MMMReal (Бунёдкор мухлиси) биринчи тўғри жавоб эгаси)

2-савол: 2019 йил бу жамоалар ўртасидаги Тошкентда ўтган баҳсда қайси футболчи дублга эришган эди? Тўғри жавоб: Хуршид Ғиёсов (MMMReal (Бунёдкор мухлиси) биринчи тўғри жавоб эгаси)

3-савол: Радамель Фалькао қайси терма жамоа аъзоси? Тўғри жавоб: Колумбия (Иккала жамоа мухлислари бир дақиқа ичида жавоб беришди)

4-савол: 1997 йил Ўзбекистон чемпиони бўлган клуб қайси? Тўғри жавоб: МҲСК (Темурбек Валиев ("Қўқон-1912" мухлиси) биринчи тўғри жавоб эгаси)

Ўйин тугади "Қўқон-1912" - "Бунёдкор" 2:3

"Фанат Суперлига". "Қўқон-1912" - "Бунёдкор" 2:3