Ушбу мусобақанинг дастлабкиси 2018 йилда Қирғизистоннинг Баткен шаҳрида ўтказилган эди. Фарғона водийси жамоаларининг бу йилги баҳсларига Фарғона шаҳри мезбонлик қилмоқда. 19-21 октябрь кунлари ўтказиладиган турнир давомида уста жамоалар билан бир қаторда ёшлар жамоалари ҳам ўзаро баҳслашадилар. Турнирда Қирғизистон Республикасидан Баткен, Ош вилоятлари, Тожикистон Республикасидан Суғд вилояти ва мамлакатимиздан Фарғона, Андижон ва Наманган вилоятлари жамоалари иштирок этмоқдалар.

Кеча қардош Республикалардан келган футболчилар давлатимиз чегара постларида тантанали, байрамона тарзда кутиб олиндилар. Кечанинг ўзидаёқ юртимиз вакиллари ўйинларга киришдилар. Унда усталар жамоасидан “Нефтчи” Андижоннинг “ЎзТонгХонКо” жамоасини 2:0 ҳисобида, ёшлар ўртасидаги ўйинларда эса фарғоналик ёшлар андижонлик тенгқурларини 5:3 ҳисобида мағлубиятга учратдилар. Шунингдек, кеча қўшни Республикалардан келган ёш футболчиларга Фарғона шаҳрининг диққатга сазовор жойларига экскурсия ташкил этилди.

Фарғонада халқаро турнир бошланди