Термизликлар дарвозасига 3 та гол урган Александр Хомяков шогирдлари якунда 3:2 ҳисобида ғалаба қозонишди. Ўйиндан сўнг жамоанинг голларидан бирига муаллифлик қилган Фарҳод Соҳибжонов фикрларини билдириб ўтди.

"Аввало рамазон ойи билан барчани табриклайман. Худога шукур ғалаба қозондик ва мухлисларни хурсанд қилдик. Сўнгги дақиқаларда 2 та гол ўтказиб юборганимиз бироз ёқимсиз бўлди. Ҳисоб 3:0 бўлаётган пайтда хотиржамликка берилишимиз керак эмасди. Энг муҳими 3 очко бизники бўлди.

Қўлга киритилаётган очколарда омадимиз келяпти. Бундан ташқари машғулотларда астойдил ишлаяпмиз. Ўтган йили билсангиз 1:0, 2:1 ҳисоби кўп бўлганди. Бу мавсумда ҳужумлардан максимал даражада самара чиқаряпмиз",- дейди Фарҳод Соҳибжонов.

Фарҳод Соҳибжонов: "Ҳисоб 3:0 бўлаётган пайтда хотиржамликка берилишимиз керак эмасди"