"Интер" Генуяда қоқилмоқда

Ўйиннинг боши "Интер" учун яхши кечди, Риера Тюрамнинг бош билан берган зарбасидан сўнг бурчакка йўналган тўпни илиб олди. Тез орада Тюрам узоқдан бироз ноаниқ зарба йўллади. "Женоа" ҳам жим қараб тургани йўқ, Карриколь Экубаннинг узатмасига бироз улгурмади ва яқин масофадан тўпни дарвоза тўри томон йўллай олмади. Аммо, вазиятлар кўпроқ узоқ масофадан зарбалар берган "Интер"да бўлди, Чалханоглу ва Барелланинг зарбалари анча хавфли чиқди. "Қора-кўклар" тайм сўнггида гол уришнинг уддасидан чиқишди, Барелланинг зарбаси дарвоза устунига тегди, Арнаутович эса яқин масофадан тўпни дарвозага йўллаб қўя қолди. Аммо, бу гол таймда ягона бўлмади, қўшиб берилган 7-дақиқада Драгушан бурчак узатмасидан сўнг барчадан юқори сакради ва тўпни дарвозага аниқ йўллади.

Тайм бошида "Интер"да ажойиб вазият бўлди, Арнаутович Барелланинг кўкрак билан тўпни қолдирганидан сўнг устун ёнига тўпни йўналтирди. Бироз ўтиб Ачерби Чалханоглунинг жаримадан узатмасидан сўнг боши билан зарба берди ва Риера яхши ҳаракат қилди. Аммо, "Женоа" ҳам қараб ўтирмади, Гудмундсоннинг ўткир бурчакдан йўллаган зарбаси жуда хавфли чиқиши мумкин эди, аммо Зоммер бу вазиятда хато қилмади. "Интер"нинг босими аста-секин пасайди, жамоа узоқдан зарбаларга таянди ва улар ҳеч қандай фойда келтирмади, "қора-кўклар" сўнгги штурмни ташкил эта олишмади. Тўлиқ адолатли дуранг, бундан эса "Женоа" хурсанд бўлиши керак.

→ ВИДЕО Серия А. "Женоа" – "Интер" 1:1

"Кальяри" ва "Эмполи" ўйинида ғолиб аниқланмади

Меҳмонлар ўйинни фаол бошлашди, 12-дақиқадаёқ Мальдини Капуто тўпни қолдирганидан сўнг яхши позициядан дарвозага аниқ йўл топа олмади. Бироз ўтиб Капутонинг ўзи жарима майдончаси ташқарисидан хавфли зарба берди. Узоқ вақт фаоллик кўрсатмаган "Кальяри" эса тайм сўнггида жонланди. Бурчакдан узатмадан сўнг Гольданига хавфли зарба берди, тайм сўнггида эса Прат узоқдан кучли зарба билан ўз омадини синаб кўрди.

Гольданига 2-тайм бошида ҳам хавфли вазият юзага келтирди, бу сафар жарима зарбасидан берилган узатмадан сўнг, аммо Каприле бурчакка йўналган тўпни олиб чиқишга муваффақ бўлди. "Кальяри" босим ўтказишда давом этди, жамоа айниқса стандартларда хавфли эди. Виоли 40 метрлардан тўпни тўққизликка ажойиб киритди, аммо гол Паволеттининг Каприлега тўп учун ўйнаш пайтида унга ҳалақит бергани учун бекор қилинди. "Эмполи" ҳам қараб ўтиргани йўқ, Скуффет Маленинг зарбасаидан сўнг тўпни яқин бурчакдан олиб чиқди. Тайм сўнггида муҳим вазият Виолига нисбатан жарима майдончаси ичида ишлатилган фол бўлди, жабрланган ўйинчининг ўзи пенальти тепишга қарор қилди, аммо Каприлени алдай олмади. Таймнинг сўнгги дақиқасида Виолининг пасидан сўнг Петанья хавфли зарба берди, аммо форвард дарвоза томон йўл топа олмади. Якунда, икки жамоани ҳам қониқтирмаган дуранг қайд этилди.

"Ювентус" "Рома" устидан ғалабага эришмоқда

3-дақиқада "Рома"да ажойиб имконият бўлганди, аммо Шенсни Кристантени ҳаводан берган зарбасини қайтарди. Бунга жарима майдончаси ичида ҳимоячини алдаган Влахович хавфли зарбаси билан жавоб берди. Бироз ўтиб якка дриблингдан сўнг Йилмаз кучли зарба берди, аммо тўп дарвоза устуни олдидан ўтиб кетди. "Рома" эса бунга Дибаланинг айёрона зарбаси билан жавоб берди, футболчининг оёқ учида берган зарбаси узоқ бурчакка йўналди. Аммо, тайм сўнггида мезбонлар устунлик қилишди. Костичнинг зарбаси тўрга кириб кетаётганди, аммо Ндика ақлбоварқилмас ҳаракатлари билан уни чизиқ устидан олиб чиқди.

"Кекса синьора" тайм бошида гол уришнинг уддасидан чиқди, Влахович айёрона бешлик паси билан Рабьони топди, у эса тўни дарвозабоннинг ёнидан йўналтирди. "Рома" фаоллашди, аммо вазиятлар яратиш билан қийинчилик бўлди, "кекса синьора" мудофааси ажойиб ишлади. Дибалада яхши имконият бўлди, аммо Шенсни унинг узоқдан берган зарбани бартараф этди. "Ювентус"да ҳам имкониятлар бўлди, Маккени Кьезанинг узатмасидан сўнг қулай вазиятдан тўғри дарвозабон томонга зарба берди. "Жалоросси"нинг якуний штурмни уюштириши амалга ошмади, шундай қилиб "Ювентус" муҳим ғалабага эришди ва етакчиликка яқинлашди.

→ ВИДЕО Серия А. "Ювентус" – "Рома" 1:0

"Лацио" "Фрозиноне"ни мағлуб этди

"Бургутлар" ўйинга кириб олишлари узоқ вақтни олди ва 30-дақиқага келибгина дарвоза томон илк аниқ зарба берилди, Цаканьи жарима зарбасидан Туратини текшириб кўрди. "Фрозиноне" қайсидир муддатларда ҳатто яхшироқ кўринди, Романьоли бурчак тўпидан сўнг хавфли зарба берди. "Лацио" тайм сўнггида барибир қўшди, аммо ўша Цаканьининг узоқдан ва ноаниқ зарбаларидан бошқа эсда қоларли ҳеч нарса содир бўлмади.

Гендузи биринчи таймдан сўнг ўз жарима майдончаси ичида қўл билан ўйнади, тўпга эса Соуле яқинлашди ва ҳисобни очди. Бу "бургутлар"ни жонлантирди ва улар янада кўпроқ меҳмонларга босимни оширишди. Буларнинг якуни Исаксеннинг узатмасидан сўнг Кастельяноснинг барчадан баланд сакрашига ва тўпни дарвоза тўриги киритишига олиб келди. 2 дақиқа ўтар тўмас улар ролларни алмашиб олишди, Кастельянос тўпни ўзига қулай бўйсундириб Исаксенга яхши узатма берди, у эса тўпни узоқ бурчакка аниқ йўллади. "Фрозиноне" устунликни ўз қўлига олишга ҳаракат қилди, аммо ҳужумда "бургутлар"дан тезроқ ҳаракат қилишнинг уддасидан чиқилмади, барчаси Габбароннинг бурчак узатмасидан кейинги тартибсизлик оқибатида унга келган тўпни дарвозага киритганида якунланди. Ўйин сўнггида Педро Исаксенга ажойиб паст берди, у эса тўпни ўзига тўғри бўйсундира олмади ва дубль қилиш имкониятини йўқотди. Ҳар қандай ҳолатда ҳам "Лацио" муҳим ғалабага эришди ва жадвалдаги ишларини тўғирлаб олди, аммо "Фрозиноне"нинг ҳам хафа бўлишига ҳожат йўқ, клуб маълум бир қисмларда ажойиб ўйнади.

→ ВИДЕО Серия А. "Лацио" – "Фросиноне" 3:1

"Милан" "Сассуоло"дан кучлироқ

"Россонери" ўйинни анча фаол бошлади, Консильи 4-дақиқада Рейдерснинг узоқдан берган зарбасини қийинчиликсиз бартараф этди. Тез орада яна у тўпни дарвоза устуни ёнига йўналтирди, бироз ўтиб эса Консильи Бенассернинг узоқдан берган зарбасидан сўнг жамоасини голдан қутқарди. "Милан" ҳужум қилишда давом этди, "Сассуоло" эса тайм сўнггига келибгина жонланди, Берарди узоқдан хавфли зарба йўллади. "Нороверде" бундан ортиғини қилолмади.

Аммо, меҳмонлар танаффусдан сўнг бир нечта ўткир вазиятлар ҳосил қилишди, айниқса Тольяннниг ўрта масофадан берган зарбаси хавфли бўлди. "Милан" ўз вақтида гол урди, Бенассер ажойиб паси билан жарима майдончаси ичида Пулишични топди ва америкалик бир тегиниш билан тўпни дарвозабоннинг ёнидан ўтказди. "Сассуоло" шундан сўнг фаолроқ ўйнашни ва кўпроқ вазиятлар яратишни бошлади, айниқса Лорьентнинг Берарди билан девор ўйинидан кейин берган зарбаси ажойиб чиқди. "Милан" ҳам қараб тургани йўқ, бурчак зарбасидан сўнг 2-темп билан узоқдан Флоренци зарба берди ва узоқ тўққизликка бирозгина аниқлик етишмади. "Нероверди" якуний штурмни уюштира олмади, аксинча "Милан" 2-голга яқинроқ келди, аммо Чуквезе яхши позициядан дарвозага йўл топа олмади. Натижада, "Милан" муаммоли таркиб билан ҳам муҳим ғалабага эришди ва таътилга ажойиб кайфиятда кетадиган бўлди.

→ ВИДЕО Серия А. "Милан" – "Сассуоло" 1:0

Шунингдек:

"Наполи" "Монца" билан дурангга имзо чекди

"Аталанта" "Лечче"ни мағлуб этди

"Фиорентина" "Торино"дан устун келди.

Сергей Румянцев тайёрлади

Фарқ қисқармоқда: А Серия 18-тур якунлари