Биринчи лига вакили "Рубин" жамоасига қарши кечган учрашувда мухлислар голлар шоусига гувоҳ бўлишди. Майдон эгалари рақиб дарвозасига жавобсиз 10 тўп киритган ўйиндан сўнг учрашувнинг энг яхши футболчиси деб топилган Фаррух Икромов фикрларини билдириб ўтди.

"Суперлигада кетма-кет очко йўқотишлардан сўнг кубок баҳсларида ғалаба қозонмасак бўлмасди. Мухлисларимиз олдида қарзимиз бор эди. Уларга ғалаба тортиқ қилишни ният қилгандик. Ўйин яхши ўтди. 10та гол уришимизни нима учун кутмаслигмиз керак эди? Бундай ҳолат бўлиб туради. Машғулотларда астойдил ишладик. Рақиб ҳам биринчи лига вакили бўлганини эътиборга олиш лозим. "Сўғдиёна" ва "Насаф" билан бундай осон ўйин бўлмаслиги аниқ. Улар билан кечадиган баҳслар бу ўйиндан фарқ қилади",- дейди Икромов.

Фаррух Икромов: "Сўғдиёна" ва "Насаф" билан ўйин бундай осон ўтмаслиги аниқ"