Унда мезбон “Пахтакор” фахрийлар жамоаси ҳамшаҳари бўлмиш “Бунёдкор” фахрийларини қабул қилди.

Бундай учрашувлар доимо қизиқарли ўтиб келган. Бугунги баҳс ҳам бундан мустасно бўлмади. Ўйинда қайд этилган ҳисоб ҳам учрашувнинг ҳужумкор руҳда ўтганини англатса ажаб эмас.

Гарчи биринчи бўлим “Пахтакор” фахрийлар жамоаси фойдасига хал этилган бўлсада, ўйиннинг иккинчи бўлимида “Бунёдкор” аъзолари туб бурилиш ясаб, натижани ўз фодаларига хал эта олгани эътиборга моликдир.

Шу куни “Пахтакор” сафида яқин ўтмишнинг моҳир футболчиларидан Бахтиёр Қамбаралиев, Шуҳрат Раҳмонқулов, Нўъмон Ҳасанов, Фурқат Эсонбоев, Жасур Абдураимов, Равшан Бозоров, Рустам Дўрмонов кабилар ҳаракат қилди.

Рақиб жамоа таркибида эса Анвар Жабборов, Алишер Бозоров, Сергей Лушан, Мурод Отажонов, Азамат Абдураимов, Махмуд Собиров, Олег Нестеров, Анатолий Хутин, Сергей Андреев, Улуғбек Рўзиқулов кабиларни кўриш мумкин эди.

Хуллас ушбу дуранг “Бунёдкор” фахрийлар жамоасини чемпионликка яқинлаштирди. Энди бу жамоа чемпионатнинг сўнгги турида “Юнусобод” фахрийлар жамоасига қарши ўйин ўтказади.
Кези келганда ушбу жамоада Валентин Шашков, Алексей Рошин ҳамда Алексей Евстафеев каби мухлисларга яхши таниш бўлган собиқ футболчилар борлигини айтиб ўтиш керак.

Бўлажак баҳсда қайси жамоа ғалаба қозонса, ўша чемпионлик шохсупасига кўтарилади.

“Пахтакор” - “Бунёдкор” 4:4 (2:1).
Ташкент. “Чилонзор” стадиони
Голлар: Нўъмон Ҳасанов, Равшан Бозоров, Фурқат Эсонбоев, Шуҳрат Раҳмонқулов – Улуғбек Рўзиқулов, Азамат Абдураимов, Алишер Бозоров. Анатолий Хутин (пен).

Фахрийлар. “Бунёдкор”нинг чемпионликка эришишига битта ғалаба қолди