Учрашув олдидан навоийликлар ҳимоячиси Файзулла Қамбаровнинг фикри билан қизиқдик.

— Бухородаги баҳс ҳар икки жамоа учун ҳам осон бўлмайди, — дейди Файзулла Қамбаров. — Охирги турда ўз майдонимизда қимматли очколарни қўлдан чиқаргандик. Энди қолган ўйинларда очко йўқотишга ҳаққимиз йўқ. Бугунги учрашувни кўплаб ҳамшаҳарларимиз ҳам стадиондан кузатиб боришидан хабаримиз бор. Шу учун фақат ғалаба учун майдонга тушамиз. Қолаверса, биринчи даврада ўз майдонимизда “Бухоро” жамоасига имкониятни бой бериб қўйгандик. Ушбу мағлубият аламини олишга уринамиз, албатта.

Футбол клубимиз раҳбарияти ҳам, минглаб мухлисларимиз ҳам бизга катта умид ва ишонч билан қарашяпти. Жамоадошларим буни яхши ҳис этиб туришибди. Муҳими, жамоамизда кайфият аъло даражада, мухлисларга чиройли футбол тақдим этишга шаймиз.

“Қизилқум” ПФК Матбуот хизмати.

Файзулла Қамбаров: “Бухорода ўйин осон бўлмайди”