Бугун турнир ташкилотчилари томонидан мусобақага аталган янги постер тақдим этилди. Ушбу расмда фаҳрий меҳмонлар сифатида ташриф буюрадиган юлдузлар ичида россиялик аралаш қоидалар жангчиси Федор Емельяненконинг йўқлиги кўплаб саволларни юзага келтирмоқда.

Турнир ташкилотчиларининг www.olamsport.com сайтига маълум қилишларича, айни пайтда россиялик спортчининг мамлакатимизга ташриф буюриши сўроқ остида. У айни пайтда тайинли жавоб бераётгани йўқ. Шу сабабдан ҳам, ташкилотчилар таваккал қилмоқчи эмаслар.

Аммо, суратга жойлаштирилган бошқа юлдузлар Жан Клод ван Дамм ва Жефф Монсонлар юртимизга келиши аниқ. Яқин соатларда Ван Даммнинг Ўзбекистон аҳлига йўллаган саломини эътиборингизга ҳавола қиламиз.

Шуни ҳам мамнуният билан эълон қиламизки, жанг оқшомига россиялик хонанда Лок Дог ташриф буюриши режалаштирилган. Шунингдек, ўша куни ўзбек ва қўшни давлат эстрада юлдузлари ўз чиқишларини намойиш этадилар.

Кечанинг асосий воқелиги албатта 8 нафар ўзбек жанг санъати усталарининг рақибларга қарши жанглари бўлади. Ушбу тўқнашувларда юртдошларимизни қўллаб-қувватланг.
Ўзбекистонда илк маротаба ташкил қилинаётган бундай жанг оқшомини бевосита кузатиб бориш имкониятини қўлдан бой берманг!

Федор Емельяненко "ASIAN FIGHT"га ташриф буюрмайдими?