«Бугун биз майдонга ғалаба қозониш учун эмас, балки ҳақиқатни ҳимоя қилиш учун чиққанимизда, қуйидагиларни таъкидламоқчимиз: 117 йиллик тарихимиз давомида нафақат футболда, балки кўплаб бошқа спорт турларида турк спортига хизмат қилдик. Бизнинг музейимизда тер ва меҳнат эвазига қўлга киритилган минглаб совринлар сақланади.

Биз 30 миллион мухлисларимиз билан бирга мамлакатимизнинг миллий қадриятларини баҳам кўрамиз. Дунёнинг энг йирик спорт клуби сифатида биз кечагидек ҳар доим ўзимизнинг ҳурматимизни ҳимоя қилиш учун ҳаракат қиламиз», — дейилади клуб расмий сайтида.

Эслатиб ўтамиз, "Фенербахче" сафарда "Трабзонспор" устидан ғалаба қозонгач (3:2), мезбон жамоа мухлислари майдонга тушиб кетишди ва ғалабани майдон марказида нишонлаётган футболчиларга ташланишганди. Натижада, клуб Туркия чемпионатидан чиқиб кетиши ҳақида хабарлар пайдо бўлганди.

«Фенербахче» кечаги ҳолат бўйича баёнот билан чиқди