Кўпчилик учрашувдан олдин амалдаги чемпионни фаворит ҳисоблаганди. Аммо Эдгар Гесс жамоаси ҳам шу куни “қалдирғочлар”га етарлича қаршилик кўрсата олди. Учрашувдан сўнг бухороликлар ҳужумчиси Феруз Бобоқулов билан суҳбатлашдик.

- Тенг курашлар остида кечган ўйинда дуранг қайд этилди – дея гап бошлади Бобоқулов. - Очиғини айтганда, “Бунёдкор”дек жамоа билан дуранг ўйнашнинг ўзи ҳам қониқарли натижадир. Лекин биласизми шу куни “Бухоро” уч очко қўлги киритиши ҳам ҳеч гап эмасди. Бунинг учун бизда бир қатор голли вазиятлар юзага келди. Аммо улардан фойдаланишга келганда аниқлик етишмади. Нима ҳам дердик бу – футбол. Шуни ҳам айтиб ўтиш керакки, рақиб жамоада ҳам гол уриш имконияти бўлди. Бироқ шу куни барибир мухлислар ҳар бир жамоадан биттадан гол кўрди холос.
- Учрашувда гарчи биринчи бўлиб ҳисобни очган бўлсакда, қисқа фурсат ичида ўз дарвозамиздан жавоб тўпини ўтказиб юбордик. Айнан ушбу тезкор гол бизни 5 дақиқа руҳий тушкунликка тушириб қўйди. Кейинчалик эса ҳаммаси изига тушиб кетди. Ўз кучимизга бўлган ишонч пайдо бўла бошлади ва ҳужум қилишдан чўчимадик. Ўйлайманки учрашув стадионга келган ишқибозларимизга ҳам ёқди.

- Дарҳақиқат бу йилги чемпионат мен учун омадли бошланди. Албатта дастлабки турларда жамоам учун голларим ғалаба келтиргани мени ҳам қувонтирди. Чунки бу орқали мухлисларнинг суюкли ўйинчисига айланиб борасан (кулади). Бундай бўлишига жамоадошларим ва мураббийларнинг қўллаб қувватлаб туриши ҳам муҳим ўрин тутди.

- Бу йилги шахсий мақсадлар ҳақида гапирадиган бўлсам, “Бухоро”га голларим билан фойда келтириш. Захирадан тушаманми ёки бошланғич таркибда ўйнайманми энг муҳими жамоамга фойдам тегса бўлгани. Чунки футбол бу – жамоавий ўйин демакдир.

- Эдгар Гесс билан ишлаш бошқалар каби менга ҳам ёқяпти. Ҳар бир мураббийнинг ўз фалсафаси бўлгани каби бу мураббийнинг ҳам шахсий қарашлари мавжуд. Тажрибаси катта. Бежизга у кишини “Бухоро”га олиб келишмаган.

Исломбек Рустамбеков суҳбатлашди.

Феруз Бобоқулов: “Бунёдкор”дек рақиб билан дуранг ўйнаш, қониқарли деса бўлади”