Февзи Давлетов: "Икки хил таймлар гувоҳига айландик. Йигитларга ишонч етишмади. Иккинчи бўлимда "Қизилқум" қарши ҳужумга таяниб ўйнади. Бу вазиятдан чиқиш керак".

- Мавсум стартидан аввал кутилмаганда "Сурхон"да бош мураббий ўзгарди. Жамоа дастлабки икки турда ишончсиз ўйин кўрсатмоқда. Буларнинг ортида нима турибди деб ўйлайсиз?

- Биз шу мавзуда йигитлар билан суҳбатлашиб, сабабларини тушунишга ҳаракат қилдик. Иккинчи бўлимда ёмон ҳаракат қилмадик. Психология бўлса керак деб ўйлайман.

- Нега Нимели йўқ?

- Унда жароҳат бор. Яна баъзи футболчилар даволанмоқда.

- Уларнинг жароҳати жиддий эмасми?

- Кейинги ўйиндан аввал уларнинг ҳолатига баҳо бериб, қарор қабул қиламиз.

- "Сурхон" иккинчи таймни яхши бошлади, кийиниш хонасида уларга нималар дедингиз?

- Йигитлар билан жиддий, баланд овозда суҳбатлашиб олдик.

- Биринчи голдан сўнг бугунги ўйинга қилган режаларингиз ўзгариб кетдими?

- Бугун ижобий натижага режа қилиб, ҳужумкор ўйин кўрсатмоқчи эдик. Рақибни прессингга таклиф қилдик, аммо ҳимояда хатоларга йўл қўйдик. Ҳужумкор ўйинни сўраган эдим.

- "Сурхон" март ойининг ўзида яна "Навбаҳор" ва "Андижон" билан ўйнаши керак. Жамоа учун футбол баҳори оғир бошландими?

- Ҳамма билан сифатли ўйин кўрсатиш керак.

- "Сурхон" Нимелига жуда боғланиб қолганми?

- Муҳаммад Али Абдураҳмонов "Пахтакор" билан баҳсда фаол ўйнади. Бугун унга имкон бергандик. Ҳаммасини ўзингиз кўрдингиз.

- Дарвозабон кетма-кет иккинчи тур қўпол хатога йўл қўйяпти.

- Бу қандай содир бўлаётганига ўзим ҳам тушунмаяпман.

- "Қизилқум"дан шундай ўйин кутганмидингиз?

- Албатта. "Бунёдкор"га қарши баҳсни кўрдик, барчасини ўргниб чиқдик.

- Футбол мухлислар учун ўйналади. Уй ўйинларини ўтказиш учун "Сурхон"га Қарши шаҳри яқинроқ эди, нега жамоа Тошкентда ўйнаяпти?

- Бироз кутиб туришимиз керак. Иккинчи даврада жамоа Термизга қайтади.

Февзи Давлетов: "Бу қандай содир бўлаётганига ўзим ҳам тушунмаяпман"