"Биринчи ўринда йигитларни ва мухлисларни ғалаба билан табриклайман. Биринчи бўлимда бироз тетиклик ва тезлик етишмади. Йигитларга қанотларни ишга солишни айтдик. Рақиб кўпроқ марказга эътибор бераётганди. "Металлург" бизни яхши ўрганди ва иккинчи зонада кутиб олди. Қарши ҳужумга ўтишга интилди. Иккинчи бўлимда қизил карточкадан сўнг бир киши кам бўлиб қолдик. Футболчилар керакли хулосаларни чиқаришди. Ўйлайманки, яхши ўйин ва дарс бўлди",- дейди Февзи Давлетов.
- "Сурхон" бир киши кам ҳолатда ҳам характер кўрсата олди. Бундай паллада иккита нарса бош планга чиқади: мураббий тактикаси ва жисмоний устунлик. Сизларда қайси бири ўхшади?
- Рақиб юқори прессинг қилганида бизга қийин бўларди. Улар бизга енгиллик яратиб беришди. Ҳужум қилишга ҳам имконият берди. Жарима зарбасида ҳам шундай ҳолат.
- Журналистлар учун ажратилган худудда биринчи бўлимда Давлетов аут деб бақириб ўтиришди?
- Буни эътиборга олиш керакмас. Ҳамма ўз ишини қилгани яхши. Футбол 90 дақиқа ўйналади.
- Аввалги матбуот анжуманида Сильванус Нимели масаласига нуқта қўйилди. Артём Потапов борасида ҳам якуний қарор қабул қилиндими?
- У жамоа билан шуғулланмоқда. Олдинда унинг келажаги ҳақида аниқ тўхтамга келамиз. Ҳаммаси унинг ўзига боғлиқ. Жамоада қолишни истайдими ёки йўқ каби деталлар бор. Биринчи давра якунланишига яна 2 та ўйин қолди. Шундан сўнг маълум бўлади.
Изоҳлар