Франция футбол федерацияси раҳбари Ноэль Ле Грэ яқиндагина айтган сўзлари учун Зинедин Зидандан шахсан узр сўрашни ният қилганди. Ноэль Ле Грэ душанба куни Зиданга қўнғироқ қилиб, узр сўрамоқчи бўлган. Ушбу қўнғироқ амалга ошганми, йўқми буниси ноаниқ. Зиданнинг ўзи вазият янада кескинлашмаслиги учун бу ҳолат бўйича изоҳ бериш ниятида эмас. Аввалроқ, Ле Грэ ўз иши учун кечирим сўраганди.

Эслатиб ўтамиз, ФФФ раҳбари Зиданнинг терма жамоага келиш эҳтимоли ҳақидаги миш-мишлар уни қизиқтирмаслиги, қолаверса, улар ўртасида телефон орқали суҳбат бўлганми, дея берилган саволга Ле Грэ француз футболи афсонаси унга қўнғироқ қилса, гўшакни ҳам кўтармаслигини айтганди.

ФФФ президенти Зидандан шахсан узр сўрашни истаган