"COVID-19 пандемияси билан боғлиқ ҳозирги ҳолатда ФИФА баъзи қарашларини ўзгартиришга мажбур", - деди Виктор Монтальяни.
"Ҳозир футбол мавсумини тўхтатиш ёки давом эттириш тўғрисида қарор қабул қилиш ҳукуматлар идораларининг ўз қўлида. ФИФА бунга аралашмаяпти. Бу айни дамдаги зарурий ва вақтинчалик чора, яна бошқа ўзгартиришлар ҳам бўлиши мумкин".

"Масалан, футбол тақвимининг асосий саналари алмашиши еҳтимоли бор . Йиллик тақвимни яъни анъанавий "куз-баҳор" системасини "баҳор-куз" тизимига ўзгартиришимиз мумкин. 2022 йилги Жаҳон чемпионати ноябрь-декабрь ойларида Қатарда бўлиб ўтишини ҳисобга олсак, эҳтимол бундан кейин "баҳор-куз" тизимига тўлиқ ўтишимизга тўғри келади. Масалан, КОНКАКАФда яъни Шимолий Америкада буни қўллаш ҳеч қандай қийинчиликларга олиб келмайди. Менимча, бу Европа, Африка ва бошқалар учун ҳам муаммо бўлмайди".

ФИФА "баҳор-куз" тизимига ўтишни режалаштирмоқда