Яқин Шарқ давлати 2034 йилги Жаҳон чемпионати учун ягона даъвогар бўлиб қолмоқда.

ФИФА ҳисоботида Саудия Арабистонидаги иқлим ва Рамазон ойи нишонланишига эътибор қаратилган. Таъкидланишича, мамлакат иқлими октябрдан апрелгача мўътадил бўлиб, мезбон шаҳарларда ўртача ҳарорат 15°С дан 30°С гача бўлади.

Саудия Арабистони аризасига кўра, май ва сентябрь ойлари орасида ўртача кунлик ҳарорат 17° C дан 38° C гача, лекин максимал кунлик ҳарорат сезиларли даражада юқори бўлиши мумкин.

"Маҳаллий иқлим шароити ҳамда 2034 йилга мўлжалланган спорт ва маданий тадбирлар тақвимини ҳисобга олган ҳолда, мусобақаларни ўтказиш учун мақбул вақтни белгилаш муайян қийинчиликларни келтириб чиқармоқда. Бироқ 2034 йил учун эркаклар ўртасидаги халқаро ўйинлар тақвимини тузиш учун кўп вақт ажратилгани, шунингдек, номзод томонидан кўрсатилган мослашувчанлик ва ҳамкорлик руҳи бу қийинчиликларни қисман юмшатувчи омиллардир".

ФИФА ЖЧ-2034 саналарини белгилашда қийналмоқда