"АҚШ президенти Дональд Трампнинг бўлажак инаугурацияси олдидан учрашиш шараф эди. Биз шу йилнинг ёзида бўлиб ўтадиган футбол бўйича клублар ўртасидаги Жаҳон чемпионати ва 2026 йилги футбол бўйича Жаҳон чемпионатини муҳокама қилдик", – деб ёзди Инфантино.
У Трампга кўрсатган эътибори ва яқин ойларда ФИФАни қўллаб-қувватлашга розилиги учун миннатдорлик билдирди.
"Америка ер шаридаги ҳамма меҳмонларни кутиб олади, футбол эса бутун дунёни бирлаштиради!", – дея қўшимча қилди ФИФА раҳбари.
2026 йилги футбол бўйича Жаҳон чемпионати учта давлатда: АҚШ, Мексика ва Канадада 2026 йилнинг 11 июндан 19 июлига қадар бўлиб ўтади.
Изоҳлар