Бразилияликлар чорак финал босқичида Хорватия терма жамоасига пенальтилар сериясида имкониятни бой бериб, турнирдаги иштирокини якунлаганди.

ЖЧ-2022 ғолиби Аргентина терма жамоаси бўлди, жанубий америкаликлар бир поғонага юқорилаб, ФИФА рейтингида иккинчи ўринни эгаллаб турибди.

Бельгия эса икки поғонага тушиб кетди. Англия бешинчи ўринда қолди, Нидерландия эса икки поғона юқорилаб, олтинчи ўринга кўтарилди.

Хорватия беш поғона юқорилаб, 12-ўриндан еттинчи ўринга кўтарилди. Италия икки поғона пастлаб, саккизинчи ўринга тушиб кетди. Португалия тўққизинчи ўринда қолди, Испания эса уч поғона пастлади.

Марокаш ва Австралия рейтингда 11 поғонага кўтарилиб, ўзларининг энг яхши кўрсаткичларига эришди.

Ўзбекистон терма жамоаси октябрь ойидаги сингари 77-ўринни сақлаб қолган ҳолда Осиёнинг 10-жамоаси бўлиб турибди.

ФИФА рейтинги қуйидагича кўриниш олди:

1. Бразилия;

2. Аргентина;

3. Франция;

4. Бельгия;

5. Англия;

6. Нидерландия;

7. Хорватия;

8. Италия;

9. Португалия;

10. Испания;

11. Марокко;

12. Швейцария;

13. АҚШ;

14. Германия;

15. Мексика;

16. Уругвай;

17. Колумбия;

18. Дания;

19. Сенегал;

20. Япония.

Осиё

1. Япония

2. Эрон

3. Жанубий Корея

4. Австралия

5. Саудия Арабистони

6. Қатар

7. Ироқ

8. БАА

9. Уммон

10. Ўзбекистон

Терма жамоаларнинг янгиланган рейтингида Бразилия пешқадамликни, Ўзбекистон амалдаги ўрнини сақлаб қолди