ФИФА ўзининг янги рейтингини эълон қилди. Ўзбекистон миллий терма жамоаси ушбу рейтингда беш поғона юқорилаб, 50-ўринни банд этди. Бундан олдинги рейтингда Ўзбекистон 55-ўринда қайд этилганди.

Миср устидан қозонилган ғалаба ва Эронни пенальтилар сериясида енгганимиз учун рейтингда 9.69 очко қўлга киритилди ва ҳозирда умумий ҳисобда 1462.03 баллга эгамиз.

Янги рейтингга кўра Ўзбекистон Қатарни қувиб ўтиб, Осиёнинг бешинчи жамоасига айланди. Биздан тепада Япония, Эрон, Жанубий Корея ва Австралия бор.

Тўлиқ рўйхат эътибор берилса, кучли тўртликда ўзгариш йўқлигини кўриш мумкин: 1. Испания, 2. Аргентина, 3.Франция, 4. Англия. Бразилия термаси эса икки поғона юқорилаб, бешинчи ўринга кўтарилиб олди.

ФИФА рейтинги янгиланди: Ўзбекистон беш поғона юқорилаб, Осиёнинг бешинчи жамоасига айланди