Футбол бўйича 2026 йилги жаҳон чемпионатига АҚШ, Канада ва Мексика мезбонлик қилади. Мазкур мундиалда 48 та терма жамоа иштирок этади.
FIFA дисквалификацияси туфайли бир қатор давлатлар жаҳон чемпионатида қатнашмайди. Россия 2022 йилда Украинага босқин қилгани учун мусобақадан четлаштирилган, Покистан ва Конго эса маъмурий камчиликлар ва ташқи томоннинг аралашуви туфайли саралаш босқичига қўйилмаган.
Аммо яқинда Россияга қарши ўртоқлик учрашувида иштирок этган бошқа бир мамлакат жаҳон чемпионатидан четлаштирилиши мумкин.
Soccer24.zw нашрининг маълум қилишича, FIFA Замбия футбол ассоциациясига хат йўллаб, уларни халқаро футбол мусобақаларида иштирок этишдан бутунлай четлатилиши мумкинлиги тўғрисида огоҳлантирган.
Хабарларга кўра, давлат ташкилоти бўлган Замбия Миллий спорт кенгаши (NSCZ) дастлаб ФИФАга мурожаат қилиб, мустақил сайлов органини ташкил этиш ва Замбия футбол ассоциациясининг сайлов жараёнини пухта кўриб чиқишни талаб қилган.
FIFA қоидалари мамлакат футбол ишларига, жумладан давлат органларидан, учинчи томонларнинг аралашувини қатъиян тақиқлайди.
Изоҳлар