Сешанба куни ФИФА Жанубий Америка вакиллари делегациясидан расмий таклиф олинганидан сўнг, 2030 йилдаги эркаклар жаҳон чемпионатда 64 та жамоа иштирок этиши масаласи кўриб чиқилди.

Гуруҳ таркибига Парагвай ва Уругвай давлат раҳбарлари, шунингдек, Жанубий Америка конфедерацияси КОНМЕБОЛ ва Аргентина футбол ассоциацияси (АФА) раҳбарлари кирди.

Учрашув ФИФАнинг Нью-Йоркдаги Трамп минорасидаги штаб-квартирасида ўтди, унда ФИФА президенти Жанни Инфантино ва бош котиб Маттиас Графстрем иштирок этди.

64 та жамоа иштирок этиши билан турнир яратиш ғояси илк бор Уругвай футбол ассоциацияси президенти Игнасио Алонсо томонидан март ойида ФИФА Кенгаши йиғилишида илгари сурилган эди. Апрель ойида КОНМЕБОЛ президенти Алехандро Домингес 64 та жамоа иштирок этиши билан концепция 1930 йилда Уругвайда ўтган биринчи жаҳон чемпионатининг 100 йиллигига бағишланган ўзига хос тадбир бўлишини айтган эди.

The Athletic хабарига кўра, ҳозирги вақтда таклифга ҳамма рози эмас. Турнирни кенгайтириш бўйича ҳар қандай қарор ФИФА Кенгаши томонидан муҳокама қилиниши ва тасдиқланиши керак.

ФИФАда ЖЧ-2030ни 64 та жамоагача кенгайтириш масаласи кўриб чиқилди