Агар ҳеч қачон “fantasy” футбол ўйнамаган бўлсангиз, fifa.uz сайтида рўйхатдан ўтиб ўйин қоидалари билан танишиб чиқишингиз мумкин. Жамоа тузиб дунё юлдузларини сотиб олинг.

Англия премьер лигасида қайси футболчиларни олиш ва қайсиларни олмаслик ҳақида маълумот берамиз.

«Арсенал»
Кимни олиш шарт. Алексис Санчес (нархи — 100) доим ҳужумда ўйнайди, бизда эса у ярим ҳимоячи. Венгер уни қанотда ишлатиши турган гап, у ҳужумга яқин ўйнайди ва голлар уради.

Жамоа ҳимоячиларидан бирини олиш керак. Ўтган йил клуб 17та ўйинда ўз дарвозалари даҳлсизлигини сақлаб қолган.
Косьелни ёки Мертезакер (иккаласи 75) — уларга ҳимоя марказида рақобатчи деярли йўқ. Фақат кучли клубларга қарши сафардаги ўйинларда уларга ишониш керак эмас.

Ўйлаб кўриш керак. Агар сизни Оспинанинг келиши чўчитмаса Шченснини ҳам олиш мумкин (70). У бир қатор посбонлардан арзонроқ. Арон Рэмзи (95) ҳақида ҳам ўйлаб кўриш керак. Ўтган йил бошида у нималар қилганини барча кўрганди. Аммо илк турлардан олиш тавсия қилинмайди, бир икки тур кузатиб кейин уни жамоага қўшиш мумкин. Озил (90) — қиммат лекин ишончли футболчи.

Олиш керак эмас. Жек Уилшер (75) олиш керак эмас, у асосий таркиб ўйинчиси эмас. Бундан ташқари ҳозирча жароҳатидан қутулмаган Уолкоттни олиш ҳам тавсия қилинмайди.

«Астон Вилла»
Кимни олиш керак. «Астон Вилла»дан ҳеч кимни ўйламай туриб олманг. Бентекени олиш мумкин (85) фақат у ҳозир жароҳат олган, бошқа клубга ўтиши мумкин ва жамоаси кучсиз.

Агбонлахорга ишонаяпмиз (75) — у энди ярим ҳимоячига айланди ва нархи арзон. Окоре (50) ажойиб марказий ҳимоячи, ўтган мавсумда жароҳат туфайли ўтказиб юборган Кирон Кларк (50) ҳам арзон, ҳам яхши ҳимоячи. Балки ажойиб дарвозабон Гьюзанга (70) эътибор қаратарсиз. Аммо «Вилла» ўтган мавсумнинг 55 фоизи ўйинларида 2тадан кўп гол ўтказган.

Дельф (80) ўтган мавсумни яхши ўтказди, аммо биринчидан нархи 80, иккинчидан ўтган мавсумда гол ва паслар: 3+2.
Кимни олиш тавсия қилинмайди. Жо Коулни 80га олманг. У 33 ёшга тўлди, сўнгги йилларда «Ливерпул»да ҳам, «Вест Хэм»да ҳам асосий таркибга кира олмади. «Вилла» уни текин бўлгани учун олди. Нзогбия (70) фамильяси сизга таниш, аммо ўтган мавсумни жароҳат туфайли ўтказиб юборди.

«Бернли»
Дарҳол айтамиз агар вақтингиз кам бўлса «Бернли», «Лестер» ва КПРни ўтказиб юбориш тавсия қилинади.
Агар ўқишни бошлаган бўлсангиз ҳимоячи Киран Триппьерни олинг (65): ўтган мавсумда 2та гол урган, 14 та (лигада энг яхши кўрсаткич), 1та сариқ карточка олган. «Бернли» ўтган йил чемпионшипда энг кам гол ўтказиб юборган. «Бернли»

Дэнни Ингз (75) ўтган мавсум чемпионшипнинг энг яхши футболчиси (21 гол + 5 голли пас), агар ярим ҳимоячи бўлганида кўпроқ одам уни оларди. Аммо ҳужумчи Ингзни олиш ҳам фойда келтириши мумкин.

75 нархига Скотт Арфилдни нимага олиш керак? Ўтган амвсум 45та ўйинда 8та гол ва 4та голли пас берган. Бу фэнтази футбол.

«Вест Бромвич»
Кимни олиш керак? Ўтган мавсум «Вест Бром» жуда кучсиз кўринганди, энг кам қуруқ ўйин ўтказган жамоа бўлди. Бу жамоадан ҳужумда ўйнайдиган ярим ҳимоячи Сессеньон (80) бор. Ўтган мавсум у қадар яхши ўйнай олмаган футболчи учун 2014 йил ёрқин кечиши мумкин. Агар ишонмасангиз уни бир икки тур кузатинг.

Янги келган Лескоттни (65) олиш мумкин. Сабаби бундай юлдуз футболчини захирада ўтириш учун олишмагандир. Лескотт ўз вақтида анчагина гол урганди.

Бен Фостер (65) — ажойиб дарвозабон, фақат муаммо бор. Жамоа кўп гол ўтказиб юбормасмикин?
Кимни олиш тавсия қилинмайди. Юссуф Мулумбу (80) — яхши ярим ҳимоячи, аммо кўп вақтини ҳимояда ўтказади. Ирқчиликка ҳеч қандай алоқаси йўқ, аммо Мулумбуни олманг. Аничебе ва Берахино (75дан) асосий таркибдаги ўрни аниқ бўлмаган футболчиларни олиб нима қиласиз?

«Вест Хэм»
Ўйлаб кўринг ва сотиб олинг. Гап бундай Кевин Ноланни оламиз (85) ва унинг голлари сони кўп бўладими ёки карточкаларими кузатамиз. Агар статистика ёмон томонга кетиб қолса уни дарҳол сотиб юборамиз.
Мавсум бошини жароҳат туфайли ўтказиб юборадиган Энди Кэрроллни ўрнида ўйнайдиган Эннер Валенсияга эътибор қилинг (80). Эквадорда иккита Валенсия борлигини ЖЧ-2014да билиб олдик.

Ўйлаб кўриб олмаймиз. Ҳимоячи Марк Нобл нега бунча қиммат туради (85). Сабаби «Вест Хэм» пенальтиларни ва жарима тўпларини амалга оширади. Аммо «Вест Хэм» ўтган мавсум иккита пенальтига эга бўлган, Нобл эса 3та гол ва 4та голли пас оширган. Шу билан бирга 6 та сариқ ва 1та қизил олган. Даунинг (70) деган футболчини устидан кулишади, аммо ўтган йил унинг кўрсаткичи ростан ҳам кулгули бўлган: 1+2. Жарвис ва Диаме (80) каби футболчилар жуда қиммат, бундан ташқари доим ҳам тўлиқ ўйнашмайди.

КПР
Оламиз шекилли. КПР сафида бир қатор 30дан ёшган футболчилар бор. Чарли Остин (75), бир қатор лигаларда кўплаб гол урган. Премьер лигада ура оладими кузатиш керак. Дарвозабон Грин (60) захира учун яхши вариант.

Олмаймиз. Сизга Жоуи Бартон деб аталадиган футболчи нимага керак? Учта гол урган, 13та сариқ ва битта қизил олган футболчини 80га оласизми? Ўзи шундоқ ҳам ҳаётимиз ташвишларга тўла.

Асосий таркибда доим ҳам майдонга тушмайдиган Карл Генрини (70) олманг. Ҳамма Henry ҳам зўр бўлавермайди.

«Кристал Пэлас»
Ўйлаб кўрамиз. Дилэйни ва Мариаппа каби ҳимоячиларни олиш мумкин (65), аммо улардан голлар кутманг. Панчон (85) ҳам бор, аммо пенальтини тепайди. Тўғри нархи қиммат. Чемпионшипнинг супертўпурари Гленн Мюррей (75), балки бу муаммодир.

Олманг. Майл Единак (80) ажойиб футболчи, аммо у таянч ярим ҳимоячи, жуда кам гол урган (ўтган йил 1+1). Гэйл (75) — қизиқарли футболчи, аммо нархи жуда қиммат.

«Лестер»
Олинг. Барча кучли клублардан футболчиларни сотиб олаётган пайтда Марк Олбрайтонга эътибор қаратинг (60), 4 йилдан буён «Вилла»нинг асосий таркибига кириб олган футболчи иккала қанотда ўйнай олади. Шунчаки ўтган мавсум жароҳат туфайли у қадар ўйнай олмади.
Дэвид Ньюжент (75) ўз вақтида «Престон»да ўйнаб туриб Англия терма жамоасига чақирув олганди. Премьер-лигада Ньюжент у қадар ёрқин ўйнай олмади, бироқ кўп гол уради: Ньюжент 20та гол урди ва 12та голли пас оширди. «Лестер» эса 100 очкодан кўпроқ тўплаб чемпионшипда биринчи бўлди.

«Ливерпуль»
Кимни олиш мумкин? Старриж (100) — чемпионатнинг энг қиммат футболчиларидан бири. Англиялик футболчи ўтган мавсум деярли ҳар бир ўйинда гол урди. Старриж Суарес кетганидан сўнг ўзини кўрсатишга ҳаракат қилиши табиий. Аммо клуб ЕЧЛга қайтди, шу боис уни олиш ўз қарорингизга боғлиқ.

Жеррард (95) ҳам қиммат туради. Аммо тажрибали сардор пенальти ва жарима тўпларини амалга оширади, ҳужумга яқин тўп тепади.

Мамаду Сако (65). Фақат мураббий уни асосий таркибга қўшадими ёки йўқми шуни аниқлаб олиш керак.

Олиш керак эмас. Глен Жонсон (70) уни тез-тез ҳужумга қўшилиб туради деганлар учун унинг охирги мавсум статистикасини берамиз: 2та гол ва 7та голли пас. Жонсон яқинда 30 ёшга тўлади.
90 Ламберт учун ўртача нарх, аммо у асосий таркибда кам майдонга тушади. Адам Лаллана (85) эса жароҳатидан ҳали қутулгани йўқ.

«Манчестер Сити»
Кимни олиш керак? «Ман Сити» кўпчиликка ёқмаслиги мумкин, аммо ушбу жамоа футболчилар фэнтезида кўп очко келтиришади. «Ман Сити» Туре (100) ва Агуэро (110) ва Компани (75) каби футболчиларни ўйламай оламан. Шундан сўнг Насри (95), Жеко (95), Сильва (95), Харт (75) ва Навас (85) кабиларни ололмаганимдан афсусланаман.

Эътибор қилинг. Туре ва Агуэро борасида тушунарли, аммо Йоветичга (80) эътибор қилинг. У ўртоқлик ўйинларида ҳам кўп гол урди.

Олиш керак эмас. Демичелис (70) ёмон футболчи эмас. Бироқ Компани билан бирга Мангаля ёки Настасич ўйнаса керак. Коларова нима учун 70 туришини тушунтириб бераман: голли паслар, стандартларни амалга ошириши.
Саньяга дарҳол 65 нарх беришди, аммо Сабалета дарҳол ўз ўрнини бошқага бериб қўймаса керак.

Қолган 10 жамоа ҳақида эртага таништирамиз.

FIFA.UZ: Англия премьер-лигасида қайси футболчини олиш тавсия этилади? (1-қисм)