Лойиҳанинг биринчи давра ғолиби 6-20 сентябрь кунлари Таиландда бўлиб ўтадиган ўсмирлар ўртасидаги Осиё чемпионатига бориш ҳуқуқини қўлга киритади.

"Мен ўтган йили "FIFA.UZ" лойиҳасида "Бунёдкор" номи билан қатнашиб, шу номга муносиб тарзда Ўзбекистон олий лигасининг олтин медалларини қўлга киритган эдим. Бу йил ҳам ўз никимни сақлаб қолган ҳолда, чемпионлик унвонини муносиб ҳимоя қилишга ҳаракат қиламан", - дейди лойиҳамизнинг амалдаги ғолиби Азиз Мирза.

"Орада кучли бешлик чемпионатларида ҳам қатнашиб кўрдим, аммо муваффақиятга эриша олмадим. Мен учун ўзимизнинг олий лига қадрлироқ. "FIFA.UZ" лойиҳаси орқали олий лигамиз билан чуқурроқ танишишга ҳаракат қиляпмиз. Бу эса мухлислар ўртасида ахилликни ҳам уйғотади. Чунки менинг таркибимда "Насаф" ёки "Сўғдиёна" жамоаларидан ҳам футболчилар бўлади ва мен ғалаба қозониш учун бу жамоа ўйинларини ҳам кузатаман".

Янги тўрт хизмат ҳақида, чемпион шундай дейди:

- Бу мавсумдан "FIFA.UZ"да йулга қўйилган тўртта янги хизмат менга ёқди ва ҳаммасини ёқтириб олдим. Энди бемалол бир-биримизни жамоаларимизни кўриб турамиз.
Бу йилги мавсумдан олдин, янги иштирокчиларга маслаҳатим, ҳар бир тур олдидан жамоангизда трансферларни иложи борича дедлайннинг охирги вақтига қадар суриб, "championat.asia" сайтидаги олий лига ҳақидаги маълумотларга таяниб қилинг. Масалан, ўша озгина вақтда ҳам сизга керакли маълумот чиқиб қолиши мумкин. Кейин ҳиссиётларга берилиб, фақат ўзингиз мухлислик киладиган жамоанинг ёки ўйинчининг натижаларига ишониб қолманг.

"FIFA.UZ" ўйинини янги бошлаётган ва ўтган мавсум биз билан бирга ўйнаган ҳамма иштирокчиларга омад ёр бўлсин!

Олға олий лига-2014 !

FIFA.uz. Азиз Мирза: "Чемпионлик унвонимни муносиб ҳимоя қиламан"