Самарқанддаги баҳсни Аҳрол Рисқуллаев бошқариши маълум қилинган эди. Бу 36 ёшли арбитр учун илк финал.

Ўзбекистон Coca-Cola кубоги. Финал
4 декабрь, шанба
ПАХТАКОР – НАСАФ
Ҳакамлар: Аҳрол Рисқуллаев, Тимур Гайнуллин, Андрей Цапенко, Рустам Лутфуллин
Назоратчи: Владислав Цейтлин
VAR ҳаками: Ильгиз Танташев
VAR ассистент: Жаҳонгир Саидов
VAR назоратчиси: Валентин Коваленко
Комиссар: Александр Давиденко.

Тарихга назар солсак, Ўзбекистон кубогининг ортда қолган 28 финалида 16 нафар бош ҳакам ишлаганига гувоҳ бўламиз. Илк финалда (1992 йил) ишлаш бахти марҳум Гали Имомовга насиб қилган эди.

Рекорд

Ўзбекистон кубоги финалларида ишлаш борасида мундиаллар рекордчиси Равшан Эрматовнинг олдига тушадигани йўқ. Унинг ҳисобида 5 та финал бор. Кейинги поғонага 4 тадан ўйин билан Гали Имомов ҳамда Ноил Лутфуллин ёзилган.

Шунингдек, Равшан Эрматов қаторасига финалларда ишлаш бўйича ҳам мутлақ рекордчи ҳисобланади (4). 2010-2013 йилги мавсумлар ҳал қилувчи баҳсларининг барчасини айнан Эрматов бошқарган эди.

Хорижлик реферилар

Мамлакат кубогининг ҳал қилувчи ўйинида 2 бор чет эллик ҳакамлар ишлаган эди. Аниқроқ айтсак, 2014 йил якунида ўтган "Локомотив" 1:0 "Бунёдкор" ўйинини Ким Донг Жин (Ж. Корея) бошқарган. 2017 йилда пойтахтнинг яна ўша клублари ўртасида "Бунёдкор" стадионида ўтказилган ва 3 йил олдинги ҳисоб такрорланган баҳсда БАА вакили Муҳаммад Абдулла Ҳасан ишлаган.

Энг қаттиққўл

Финалларда энг кўп сариқ карточка Равшан Эрматовнинг чўнтагидан чиққан (20 марта) бўлса, қизил карточка кўрсатиш борасида Гали Имомов ҳамда Ноил Лутфуллин етакчи бўлган (3 тадан). Аммо пенальти белгилаш бўйича Темур Тўхтасинов барчадан олдинда (2). У 2018 йилнинг 28 октябрь куни Фарғонада ўтказилган АГМК 3:1 "Пахтакор" беллашувида ҳар икки жамоа дарвозаси томон 11 метрли жарима зарбаси белгилаган.

Тўлиқ статистика

	рефери	финал	с-к	қ-к	пен
1	Равшан Эрматов	5	20	1	1
2	Гали Имомов	4	14	3	0
3	Ноил Лутфуллин	4	14	3	0
4	Марат Исмоилов	2	12	2	0
5	Рустам Саидов	2	11	1	0
6	Рашид Айтеков	1	8	0	0
7	Ғайрат Каримов	1	6	0	0
8	Шерзод Қосимов	1	4	0	1
9	Ким Донг Жин	1	3	1	0
10	Муҳаммад Абдулла Ҳасан	1	5	0	0
11	Сардор Нажафалиев	1	4	1	1
12	Дилшод Асимов	1	3	0	0
13	Дмитрий Роман	1	3	0	0
14	Темур Тўхтасинов	1	5	0	2
15	Владислав Цейтлин	1	4	1	0
16	Зокир Қодиров	1	1	0	1
17	Аҳрол Рисқуллаев	-	-	-	-

Финал. "Насаф" "Пахтакор" билан нечанчи марта тўқнашади?

Фахриддин Рўзиев тайёрлади

Финал. Равшан Эрматов — мутлақ етакчи